पंढरपूर येथे अन्न व औषध विभागाच्या वतीने अवैध रीत्या गुटखा विक्री करणाऱ्यावर कारवाईचा रविवारी बडगा उगारला. अन्न व औषध प्रशासनाच्या पुणे विभागाच्या वतीने सदरची कारवाई करण्यात आली. या कारवाईमधे सुमारे ३८ लाखांचा गुटखा आणि १० लाखांचा वैधानिक इशारा नसलेल्या सिगारेटचा साठा जप्त केल्याची माहिती अन्न व औषध पुणे विभागाचे सहआयुक्त शिवाजी देसाई यांनी दिली आहे.

सदरची कारवाई करीत असताना अन्न व औषध प्रशासन विभागाचे पुणे विभागाचे सहआयुक्त शिवाजी देसाई तसेच सोलापूर येथील सहायक आयुक्त संजय नारगौडा, नीलेश मसारे, श्रीमती मुजावर, पुणे, सातारा,कोल्हापूर व सांगली येथील अशा २८ अधिकारी आणि कर्मचाऱ्यांच्या पथकाने ही कारवाई केली. या कारवाईमधे सहायक पोलीस अधीक्षक निखिल िपगळे यांनी देखील सहभाग घेतला होता.

PMC pune municipal corporation
रस्त्यावर फेकलेल्या कचऱ्यातून पत्ते शोधून दंडाची वसुली; मोटारीतून कचरा फेकणाऱ्यांचा पाठलाग करून महापालिकेच्या अधिकाऱ्यांकडून कारवाई
hotel Solapur district
सोलापूर : हॉटेल व्यवस्थापनाच्या नावाखाली मित्राला ६८ लाखांचा गंडा, अक्कलकोटमध्ये दागिने लंपास
Yavatmal, Policeman, Dies, Heart Attack, running practice,
यवतमाळ : धावण्याच्या सरावादरम्यान पोलीस कर्मचाऱ्याचा हृदयविकाराने मृत्यू
Maharashtra State Electricity Board, Contract Workers, Strike, Supported, Permanent Employees organization
राज्यात वीज चिंता! कंत्राटी वीज कर्मचाऱ्यांच्या आंदोलनात ७ कायम संघटनांची उडी

रविवारी सकाळी सुमारे अकराच्या सुमारास अन्न व औषध प्रशासनाने शहरातील काही पानटपरी येथे बंदी असताना देखील गुटखा विक्री करणाऱ्या व्यापाऱ्यांवर कारवाई करण्यास सुरुवात केली. यामध्ये काही प्रमाणात अनेक पानटपऱ्यांमधून गुटख्याचा माल हस्तगत करण्यात आला होता. याच वेळी कारवाई करणाऱ्या अन्न व औषध प्रशासनाच्या अधिकाऱ्यांना येथील मार्केट यार्ड शेजारील असणाऱ्या अकबरअली नगर येथे रज्जाक तांबोळी यांच्या घरांमधे मोठय़ा प्रमाणावर गुटखा तसेच तंबाखू आदीच्या मालाचा साठा असल्याची माहिती मिळाली. त्यानुसार संपूर्ण अन्न व औषध प्रशासनातील पथक हे अकबरअली येथील तांबोळी यांच्या घरांकडे रवाना झाली. या वेळी सहा पोलीस अधीक्षक निखिल िपगळे देखील तत्काळ त्या ठिकाणी पोहोचले.

अकबरअली नगर येथील ऑस्मा मंझिल या एका आलिशान बंगल्यामध्ये सदरचे पथक जाऊन पोहोचले. या वेळी संपूर्ण दोन मजली बंगल्यामधे फक्त आणि फक्त आरएमडी, बाबा, सुगंधी तंबाखू तसेच माव्याचे सामान अशा पोत्यात आणि बॉक्समधे भरून ठेवलेल्या गोष्टींचा मोठय़ा प्रमाणावरील साठा आढळून आला. या वेळी सहा पोलीस अधीक्षक निखिल िपगळे याच्यासह सहआयुक्त देसाई तसेच नारगौडा यांनी याबाबत तांबोळी यांच्याकडे चौकशी केली तसेच संपूर्ण गुटख्याचा माल हा आपल्या ताब्यात घेतला.

रविवारच्या दिवसभराच्या कारवाईमधे शहरामधील विविध ४६ ठिकाणी तपासणी करण्यात आली. यामधे अकरा ठिकाणी सुमारे ३४ लाख ३२ हजार ५२५ रुपयांचा गुटखा आढळून आला. तर या तपासणीदरम्यान आरोग्याचा वैधानिक इशारा नसलेला साधारणत: ९ लाख ७५ हजार ३५८ रुपयांचा सिगारेटचा साठा जप्त करण्यात आला .

पंढरीतील एका आलिशान बंगल्यामध्ये गुटख्याचा इतक्या मोठय़ा प्रमाणावर साठा असलेल्या मालावर छापा टाकून कारवाई झाल्याचे वृत्त सर्वत्र पंढरीत कळताच तत्काळ पंढरपुरातील अनेक पानटपऱ्या या दिवसभरासाठी चक्क बंद करून टाकण्यात आल्या होत्या.