मोबाइल टॉवर लाइनचे काम करून कारमधून परतताना अज्ञात वाहनाने दिलेल्या धडकेत कारमधील चौघे युवक जागीच ठार तर एक जण गंभीर जखमी झाला. ही घटना कुरूल-कामती (ता. मोहोळ, जि. सोलापूर) येथे सोमवारी मध्यरात्री १.३० च्या सुमारास घडली. अज्ञात वाहन चालकाविरोधात गुन्हा दाखल करण्यात आला आहे.
अधिक माहिती अशी, उमाकांत मधुकर शिवशेट्टी, रामा श्रीपती कदम, लक्ष्मण गणपती फाळके (सर्व रा. वाघोली, ता. मोहोळ), विनोद दत्तात्रय गायकवाड (रा. कामती बु, ता. मोहोळ) व मनोज पांडुरंग बनसोडे (रा. पेनूर, ता. मोहोळ) हे मोहोळ येथे मोबाइल टॉवरचे काम करण्यासाठी गेले होते. रात्री उशिरा काम संपवून ते पुन्हा कामतीकडे कारमधून (एमएच १४ सीएस ५१४४) माघारी परतत असताना कुरूल येथील गॅस गोडावूनसमोर अज्ञात भरधाव वाहनाने त्यांना धडक दिली. यात उमाकांत शिवशेट्टी, रामा कदम, मनोज बनसोडे व विनोद गायकवाड हे जागीच ठार झाले. तर लक्ष्मण फाळके हे गंभीर जखमी झाले. जखमीवर सोलापूर येथील खासगी रूग्णालयात उपचार सुरू आहेत. अपघातानंतर अज्ञात वाहनचालकाने पळ काढला. त्याच्याविरोधात कामती पोलिसांत गुन्हा नोंद करण्यात आला आहे.

hotel Solapur district
सोलापूर : हॉटेल व्यवस्थापनाच्या नावाखाली मित्राला ६८ लाखांचा गंडा, अक्कलकोटमध्ये दागिने लंपास
Yavatmal, Policeman, Dies, Heart Attack, running practice,
यवतमाळ : धावण्याच्या सरावादरम्यान पोलीस कर्मचाऱ्याचा हृदयविकाराने मृत्यू
Development Plan, Navi Mumbai, Wetlands, Residential Complexes, Political Silence, flamingo, environment,
नवी मुंबई : पाणथळीच्या जागा निवासी संकुलांसाठी खुल्या करण्याचा निर्णय, पर्यावरणप्रेमींचा विरोध, नेत्यांचे सोईस्कर मौन
multi color grapes export demand decline at global level
निर्यातीसाठी रंगीत द्राक्षांना मागणी घटली; जाणून घ्या कारणे काय ?