26 July 2017

News Flash

जालन्यात रजा मंजूर करण्यासाठी लाच घेणाऱ्या अधिकाऱ्याला अटक

जिल्हा कार्यालयात सापळा सापळा रचून कारवाई

जालना | Updated: July 17, 2017 8:37 PM

रजा मंजूर करण्यासाठी पैशाची मागणी

जालना येथील जिल्हा हिवताप कार्यालयाचे अधीक्षक सिंदखेडकर यांना अर्जित रजा मंजूर करून घेण्यासाठी लाच घेताना हातोहात पकडले आहे. लाच लुचपत प्रतिबंधक विभागाच्या अधिकाऱ्यांनी त्यांना चार हजाराची लाच घेताना पकडले. भोकरदन तालुक्यातील आन्वा इथे प्रयोगशाळा तंत्रज्ञ म्हणून काम करत असलेल्या कर्मचाऱ्याला अर्जित रजा मंजूर करून हवी होती. त्यासाठी प्राथमिक आरोग्य केंद्राची शिफारस घेऊन जालना जिल्हा हिवताप कार्यालय अधीक्षक यांच्याकडे रजेचा अर्ज करण्यात आला होता.

जिल्हा हिवताप अधिकाऱ्याकडून रजा मंजूर करून देतो. मात्र अर्जित रजा उपभोगल्यानंतर पाच हजार रुपये मोबदला म्हणून द्यावा लागेल, अशी मागणी केली. संबंधित कर्मचाऱ्याने याबाबत लाचलुचपत विभागाकडे तक्रार केली. त्याची पडताळणी केली असता अर्जित रजा मंजूर करण्यासाठी चार हजार रुपयांची मागणी केल्याचे उघड झाले. जिल्हा कार्यालयात सापळा सापळा रचून सिंदखेडकर यांना लाचेच्या रकमेसह पकडण्यात आलो. त्यांच्या विरोधात गुन्हा दाखल करण्याची प्रक्रिया सुरु आहे.

 

First Published on July 17, 2017 8:04 pm

Web Title: jalana officer arrested for accepting bribe
  1. R
    rohan
    Jul 18, 2017 at 7:23 pm
    लाज ह्या शब्दलाही लाज वाटेल एवढी खालची पातळी गेली आहे ह्या आरोग्य अधिकाऱ्यांची... सुट्टी द्यायचे सुद्धा पैसे खत आहेत... आणि हे फक्त तिकडे नाही सगळीकडे चालू आहे...एकदा तुमच्या प्रतिनिधीला फिरायला सांगा मराठवाड्यात आणि थोडासा कानोसा घ्या म्हणावं आरोग्य संबंधित विभागाचा... एकच शब्द आहे...बोगसगिरी चालू आहे तिथे...
    Reply