अलिबागेत शिवछत्रपती महाराजांची ३८९ वी जयंती शनिवारी तिथीनुसार मोठय़ा उत्साहात सर्वत्र साजरी करण्यात आली. शहरातील जोगळेकर नाका येथे शिवरायांच्या अश्वारूढ पुतळ्यास पुष्पाहार अर्पण करून अलिबागचे नगराध्यक्ष प्रशांत नाईक यांनी अभिवादन केले. यावेळी त्यांच्यासोबत उपनगराध्यक्षा सुरक्षा शाह, प्रदीप नाईक आदी उपस्थित होते. शिवसेनेचे अलिबाग शहरप्रमुख कमलेश खरवले आणि महिला आघाडीच्या तालुका प्रमुख दर्शना पाटील यांनीही शिवरायांच्या पुतळ्यास पुष्पमाला अर्पण केली. यावेळी शिवसेनेचे अलिबाग तालुका प्रमुख हेमंत पाटील व इतर शिवसनिक उपस्थित होते. तालुक्यात झिराड, आगरसुरे, आवास, अलिबागेतील मारुती नाका, महेश टॉकीज परिसर तसेच तालुक्यात ठिकठिकाणी शनिवारी शिवसनिकांनी शिवजयंती साजरी केली. शिवरायांच्या जीवनावर आधारित पोवाडे सर्वत्र ऐकू येत होते. तालुक्यातील हेमनगर येथे राष्ट्रवादीचे नेते राजा केणी यांनी शिवजयंतीचा भव्य कार्यक्रम आयोजित केला होता. या कार्यक्रमास अनेक मान्यवरांनी उपस्थिती दर्शविली होती.
