गुंडाना पक्षात प्रवेश देण्याचे प्रकरण ताजे असतानाच भाजप आता आणखी एका अडचणीत सापडण्याची चिन्हे निर्माण झाली आहेत. भाजपच्या माढा (जि. सोलापूर) तालुकाध्यक्षाच्या टेंभुर्णी येथील लॉजवर रविवारी (दि. २२) रात्री पोलिसांनी टाकलेल्या छाप्यात वेश्या व्यवसाय होत असल्याचे आढळून आले आहे. पोलिसांनी डमी ग्राहक बनून सापळा रचून हा वेश्याव्यवसाय उघडकीस आणला आहे. वेश्याव्यवसाय करणाऱ्या पाच मुली पोलिसांना आढळून आल्या. भाजपचे तालुकाध्यक्ष संजय कोकाटे यांचे हे लॉज आहे. त्यांच्याविरोधातही गुन्हा दाखल झाला आहे. कोकाटे हे सध्या पसार झाले आहेत.
सोलापूर-पुणे राष्ट्रीय महामार्गावर टेंभुर्णी येथे संजय कोकाटे यांचे सुमित लॉज आहे. या लॉजमध्ये काही दिवसांपासून गैरव्यवहार सुरू असल्याचे पोलिसांना समजले होते. वेश्या व्यवसायानिमित्त सुमित लॉजमध्ये पाच मुली आणल्याची माहिती मिळताच पोलीस अधिक्षक वीरेश प्रभू यांनी उपअधिक्षक प्रशांत स्वामी यांना कारवाईची सूचना केली होती. पोलिसांनी लॉजमध्ये डमी ग्राहक पाठवून सापळा रचला. या वेळी पोलिसांना लॉजमध्ये वेश्याव्यवसायासाठी आणलेल्या पाच मुली आढळून आल्या. ज्या कलाकेंद्रातून मुली आणण्यात आल्या होत्या, त्या कलाकेंद्र चालकासह सहा जणांविरोधात रात्री उशिरा गुन्हा दाखल करण्यात आला आहे. अशोक यशवंत माळी, (लॉज व्यवस्थापक), भागोजी रानबा मटकर, चंद्रकांत रामचंद्र वाघमोडे, रिक्षा ड्रायव्हर दिपक मच्छिंद्र गोंदील (सर्व रा. टेंभुर्णी), लॉज मालक संजय शिवालाल कोकाटे (रा. टेंभुर्णी) व अप्सरा लोकनाट्य कलाकेंद्रच्या महिला चालकाविरोधात गुन्हा दाखल झाला आहे.

Victim education
सामूहिक बलात्कारामुळे शिक्षण सुटले, न्यायालय म्हणाले…
Nashik Citylink bus
परीक्षा काळातच नाशिकची सिटीलिंक बससेवा पुन्हा ठप्प
Mumbaikars should have a referendum on Mahalakshmi Race Course proposal ex-BJP corporators demand
महालक्ष्मी रेसकोर्सच्या प्रस्तावावर मुंबईकरांचे सार्वमत घ्यावे, भाजपच्या माजी नगरसेवकांची मागणी
नाशिकमध्ये आंदोलक आदिवासी शेतकरी आक्रमक; जिल्हाधिकारी कार्यालयातील प्रवेश रोखला, सीबीएस चौकात ठिय्या