पश्चिम रेल्वेच्या उधना-जळगाव दरम्यान सुरु असलेल्या रेल्वे मार्ग तपासणी आणि दुहेरीकरण मार्ग चाचणी या कामासाठी तीनपैकी दोन सुरत-भुसावळ पॅसेंजर आणि सुरत-अमरावती इंटरसिटी एक्सप्रेस २ ऑक्टोबरपर्यत रद्द करण्यात आल्या आहेत. या कालावधीत रद्द करण्यात आलेल्या तीनपैकी एक सुरत-भुसावळ पॅसेंजर नंदूरबार पर्यंतच धावणार आहे. रेल्वे सूत्रांनी दिलेल्या माहितीनुसार, दोंडाईचा ते होळ दरम्यानच्या रेल्वे मार्गाच्या दुहेरीकरण आणि तांत्रिक तपासणी चाचणीसाठी भुसावळ-सुरत दरम्यान धावणाऱ्या तीन पॅसेंजर गाडया आणि अमरावती-सुरत इंटरसिटी एक्स्प्रेस गाडया रद्द करण्यात आल्या आहेत. या कालावधीमध्ये प्रवाशांची गैरसोय होऊ नये यासाठी पाच जलद गाडयांना तात्पुरत्या स्वरुपात विविध स्थानकांवर थांबा देण्यात येणार आहे. ५९०१३ सुरत-भुसावळ पॅसेंजर व ५९०७७ सुरत-भुसावळ पॅसेंजर या गाड्या १ ऑक्टोबरपर्यंत, ५९०१४ भुसावळ-सुरत पॅसेंजर व ५९०७८ भुसावळ-सुरत पॅसेंजर २ ऑक्टोबरपर्यंत, १९०२५ सुरत अमरावती इंटरसिटी एक्स्प्रेस १ ऑक्टोबरपर्यंत, तर १९०२६ अमरावती सुरत इंटरसिटी एक्स्प्रेस २ ऑक्टोबर पर्यंत रद्द करण्यात आली आहे. तर ५९०७५ / ५९०७६ भुसावळ-सुरत- भुसावळ पॅसेंजर गाडी सुरत ते नंदुरबार दरम्यान धावणार आहे. दसरा पर्व आणि नवरात्रीच्या काळात प्रवाशांची गैरसोय होऊ नये यासाठी अहमदाबाद-पुरी एक्स्प्रेस, ओखा-पुरी एक्स्प्रेस, पुरी-गांधीधाम एक्स्प्रेस, यशवंतपूर-अहमदाबाद एक्स्प्रेस, पोरबंदर-सांतरागाची कवी गुरु एक्स्प्रेस या पाच गाड्यांना बारडोली, व्यारा, अमळनेर आणि धरणगांव येथे थांबा देण्यात येणार आहे. रद्द करण्यात आलेल्या गाड्या- ५९०१३ आणि ५९०७७ सुरत-भुसावळ पॅसेंजर या दोन गाड्या २५ सप्टेबर ते १ ऑक्टोबर पर्यंत रद्द ५९०१४ आणि ५९०७८ भुसावळ-सुरत पॅसेंजर या दोन गाड्या २६ सप्टेंबर ते २ ऑक्टोबर पर्यंत रद्द १९०२५ सुरत-अमरावती इंटरसिटी एक्स्प्रेस २४ सप्टेंबर ते १ ऑक्टोबर पर्यंत रद्द १९०२६ अमरावती सुरत इंटरसिटी एक्स्प्रेस २५ सप्टेंबर ते २ ऑक्टोबर पर्यंत रद्द या गाड्या धावणार ५९०७५ सुरत-भुसावळ पॅसेंजर दि.१ ऑक्टोबरपर्यंत सुरत- नंदुरबार अशी धावणार ५९०७६ भुसावळ-सुरत पॅसेंजर २ ऑक्टोबरपर्यंत नंदुरबार-सुरत अशी धावणार