वॉट्सअॅपवर आक्षेपार्ह व्हीडिओ टाकून भावना भडकवल्याच्या आरोपावरून नळेगाव व वडवळ नागनाथ येथील चौघांना बुधवारी रात्री चाकूर पोलिसांनी गुन्हा दाखल करून अटक केली. चाकूर तालुक्यातील नळेगाव भागात बुधवारी दुपारी पोलीस उपनिरीक्षक महंतेश कोणदे, शिपाई अविनाश िशदे हे गस्त घालत होते. गावातील अनेकांच्या मोबाईलवर आक्षेपार्ह व्हीडिओ असल्याची माहिती त्यांना मिळाली. पोलिसांनी या प्रकरणाचा शोध घेतला असता नळेगाव येथील ग्रुप प्रमुख (अॅडमिन) संतोष बच्रे हा संबंधित व्हिडिओसाठी कारणीभूत असल्याचे निष्पन्न झाले. त्यावरून बच्रेला ताब्यात घेण्यात आले. त्याची कसून चौकशी केली असता दुसऱ्या ग्रुपमधील वडवळ नागनाथ येथील मनोज लव्हराळे व नळेगाव येथील राजकुमार तेलंगे, अमोल सोमवंशी हेही दोषी असल्याचे निष्पन्न झाले. त्यावरून चाकूर पोलिसात माहिती तंत्रज्ञान अधिनियमांतर्गत या चौघांवर गुन्हा दाखल करून त्यांना अटक केली.
