बॉलिवूडचे महानायक अमिताभ बच्चन यांच्या फेसबुक खात्यावरील चाहत्यांच्या संख्येने दोन कोटींचा आकडा पार केला आहे. ७२ वर्षीय अमिताभ बच्चन सोशल मीडियावर अत्यंत सक्रिय असतात. टि्वटर, फेसबुक आणि ब्लॉगच्या माध्यमातून नियमितपणे ते आपल्या चाहत्यांशी जोडले गेलेले असतात. आपल्या ब्लॉगवर लिहिलेल्या संदेशात अमिताभ बच्चन म्हणतात, होय, आता फेसबुकवर दोन कोटी चाहते जोडले गेले आहेत. आपल्या प्रेमामुळेच हे संभव होऊ शकले. आता मी अजून एका कीर्तीमानाचा धनी झालो असून, त्यासाठी आपल्या सर्वांचे धन्यवाद. टि्वटरवर अमिताभ बच्चन यांच्या चाहत्यांची संख्या १ कोटी ३७ लाखांच्या आसपास आहे.
