बॉलीवूडचे महानायक अमिताभ बच्चन यांचे ट्विटर अकाऊंट हॅक झाल्याची माहिती खुद्द अमिताभ यांनी ट्विटद्वारे दिली आहे. बिग बी यांच्या नकळत त्यांच्या ट्विटर अकाऊंटवरून काही आक्षेपार्ह संकेतस्थळांना फॉलो केले गेले आहे. माझे ट्विटर अकाऊंट हॅक झाले असून काही आक्षेपार्ह संकेतस्थळांना हॅकरने फॉलो केले आहे. ज्याने हे कृत्य केले आहे, त्याने दुसरे काहीतरी करावे, मला याची गरज नाही, असे अमिताभ यांनी हॅकरला सुनावले आहे. T 1980 -WHOA !..My Twitter handle hacked ! Sex sites planted as 'following' ! Whoever did this, try someone else, buddy, I don't need this ! — Amitabh Bachchan (@SrBachchan) August 31, 2015 ट्विटरकरांमध्ये अमिताभ यांचे ट्विटर अकाऊंट प्रचंड लोकप्रिय आहे. ट्विटर अकाऊंटवर अमिताभ यांचे लाखो फॉलोव्हर्स आहेत. अमिताभ ट्विटरवर सक्रिय असतात. दिवसभरातील घडामोडी आणि आठवणी बिग बी ट्विटर अकाऊंटवरून आपल्या चाहत्यांसाठी शेअर करीत असतात. तसेच अमिताभ यांनी अनेकवेळा ट्विटरच्या माध्यमातून आपल्या चाहत्यांशी संवाद देखील साधला आहे. याशिवाय, ताज्या घडामोडी आणि संवदेनशील विषयांवर देखील अमिताभ आपले व्यक्तिगत मत ट्विटद्वारे व्यक्त करीत असतात.
