पंतप्रधान नरेंद्र मोदी यांची रविवारी सध्या गाजत असलेला हिट चित्रपट 'बाहुबली'मधील अभिनेता प्रभाष याने भेट घेतली. प्रभाषने चित्रपटात प्रमुख भूमिका साकारली आहे. पंतप्रधानांना भेटण्यासाठी प्रभाष त्याचे काका तसेच अभिनेता कृष्णम राजू आणि काकीसोबत गेला होता. मोदी यांनी ट्विटरवर एक फोटो टाकलायं आणि लिहिले, आज 'बाहुबली' स्टार प्रभाष भेटला. फोटोमध्ये मोदी यांनी 'बाहुबली' चित्रपटाला मिळालेल्या यशाबद्दल त्याची पाठ थोपटताना दिसत आहेत. Met 'Baahubali' Prabhas today. pic.twitter.com/Qs44yENsOL — Narendra Modi (@narendramodi) July 26, 2015 एका प्राचीन साम्राज्यासाठी दोघा भावांमध्ये झालेल्या युद्धाचे चित्रण करणाऱ्या 'बाहुबली' चित्रपटाने जगभरात ३५० कोटीपेक्षा अधिकची कमाई केली.