'चार्लिज एंजल्स' हॉलिवूडपटातील अभिनेत्री लुसी लियू हिला पुत्ररत्न प्राप्ती झाली असून, मुलाबरोबरचे छायाचित्र तिने इंन्स्टाग्रामवर शेअर केले. पहिल्यांदाच मातृसुख अनुभवत असलेल्या लुसीला सरोगसीद्वारे पुत्ररत्न प्राप्त झाले. आपण माता झाल्याचे सांगून ४६ वर्षीय लुसीने चाहत्यांना आश्चर्याचा सुखद धक्का दिला. माझ्या आयुष्यात आलेल्या छोट्या नवीन पाहुण्याची ओळख करून देते, माझा मुलगा रॉकवेल लॉयड लियू, खूप सारे प्रेम, असा संदेश तिने इंन्स्टाग्रामवरील छोट्या रॉकवेल लॉयड लियूसोबतच्या छायाचित्रसह पोस्ट केला आहे. व्यावसायिक नोआम गोट्समॅन, अभिनेता विल मॅकॉरमॅक आणि लेखक-दिग्दर्शक झॅक हेल्म यांच्याबरोबर लुसीचे नाव जोडले गेले आहे.
