बॉलिवूडमधील ‘लोलो’ करिश्मा कपूर आणि ‘बेबो’ करिना कपूर एकमेकींच्या खूप जवळ आहेत. या दोघीजणी एकमेकींच्या बहिणी असण्याबरोबरच एकमेकींच्या चांगल्या मैत्रिणीदेखील आहेत. अनेकवेळा करिना आपली मोठी बहिण करिश्माचे गुणगान करताना नजरेस पडते. त्याचबरोबर करिश्मा आपली छोटी बहिण करिनाचे कौतुक करताना थकत नाही. करिना कपूर ही आपल्यासाठी केवळ बहिण नसून, एक चांगली मैत्रिणदेखील असल्याचे करिश्माचे म्हणणे आहे. २०१२ साली आलेला डेंजरस इश्क हा करिश्माचा शेवटचा चित्रपट होता. करिना आणि आपल्यातील नातेसंबंध खूप मजबूत असल्याचेदेखील करिश्मा म्हणाली.