गेल्या काही दिवसांपासून अभिनेत्री कंगना रणौत आणि हृतिक रोशन यांच्या वादामुळे अनेकजण कंगनापासून चार हात लांबच राहू लागले आहेत. कंगना- हृतिकच्या या वादात आदित्य पांचोली, अध्ययन सुमन, करण जोहर, रणबीर कपूर आणि सलमान खान यांचीही नावे जोडली गेली आहेत. कंगनाने ज्या पद्धतीने एका टीव्ही मुलाखतीत तिच्यावरचे आरोप खोटे असल्याचे म्हटले त्याचप्रमाणे हृतिकनेही वृत्तवाहिन्यांच्या माध्यमातून आपली बाजू मांडली. या दोघांच्या भांडणात बॉलिवूडमध्ये दोन गट पडले आहेत. हृतिकच्या मुलाखतींनंतर अनेक सेलिब्रिटींनी त्याची बाजू घेतली. हा गट कंगनाकडे दुर्लक्ष करू लागला आहे, तिला टाळू लागला आहे. अप्रत्यक्षपणे काही पार्ट्यांमधूनही तिला वगळण्यात आल्याचं पाहायला मिळालं. पण अशातही बॉलिवूडची एक व्यक्ती मात्र तिच्या पाठीशी खंबीरपणे उभी आहे. कंगनाला आमिर खानची साथ मिळाली आहे. अप्रत्यक्षपणे त्याने कंगनाला पाठिंबा दिला आहे असंच चित्र सध्या समोर येत आहे.

वाचा : कोयना मित्राकडून मैत्रिणीची फसवणूक

ms dhoni appointment letter for ticket collectors job in indian railways goes viral
महेंद्रसिंग धोनीच्या पहिल्या सरकारी नोकरीचे अपॉइंटमेंट लेटर होतंय व्हायरल; PHOTO पाहून चाहते म्हणाले, ‘व्वा…”
young woman was sexually assaulted
नागपूर : ऑटोचालकाशी सलगी तरुणीला भोवली अन् नको ते घडले
Sachin Tendulkar Says The first bat given to me was by my sister and it was a Kashmir willow bat
VIDEO : “मला मिळालेली पहिली बॅट माझ्या…”, काश्मीरमध्ये फिरायला गेलेल्या सचिनने विलो बॅटच्या आठवणींना दिला उजाळा
Tania Sing Ends her Life
लोकप्रिय मॉडेलची आत्महत्या, शेवटच्या कॉलमुळे IPL मधला प्रसिद्ध खेळाडू अडचणीत

आमिरच्या आगामी ‘सिक्रेट सुपरस्टार’ या चित्रपटाची स्पेशल स्क्रीनिंग मुंकेश अंबानींच्या अँटिला या निवासस्थानी आयोजित करण्यात आली होती. अंबानींच्या घरी अनेकदा चित्रपटांचे स्पेशल स्क्रीनिंग होतात. निवडक सेलिब्रिटी तेव्हा उपस्थित असतात. ‘सिक्रेट सुपरस्टार’च्या स्क्रीनिंगला मात्र बड्या स्टार्सपैकी फक्त कंगना उपस्थित होती. करण जोहर आणि हृतिक अनुपस्थित होते. आमिरची पत्नी किरण रावसोबत फक्त कंगनाच स्क्रीनिंगला पोहोचली होती. कदाचित कंगनाला बहिष्कृत करणं आमिरला योग्य वाटलं नसावं. म्हणूनच त्याने कंगनाला आवर्जून निमंत्रित केलं असावं असं म्हटलं जातंय.

काही दिवसांपूर्वी अभिनेता डिनो मोरीयाने आयोजित केलेल्या एका ग्रँड पार्टीला कंगनाला बोलावलं नव्हतं. हृतिक आणि करण या पार्टीला उपस्थित राहणार असल्याने कंगनाचं नाव पार्टीतून वगळण्यात आलं होतं.