टीव्ही मालिका 'भाभी जी घर पर है' मधील जुनी अंगूरी भाभी म्हणजे शिल्पा शिंदे पुन्हा एकदा चर्चेत आली आहे. शिल्पाने निर्माती बेनिफर कोहलीचा पती संजय कोहली विरोधात लैंगिक शोषणाची तक्रार नोंदवली आहे. सूत्रांनी दिलेल्या माहितीनुसार, शिल्पाने मुंबईतील वाळीव पोलीस स्थानकात संजयविरोधात एफआयआर दाखल केली आहे. संजय तिला चुकीच्या पद्धतीने स्पर्श करायचा आणि तडजोडीसाठी विचारायचा. तू मला फार आवडतेस, तू खूप सेक्सी आहेस, तू खूप हॉट आहेस, मी तुझा खूप मोठा चाहता आहे. अशा पद्धतीने संजय शिल्पाशी बोलायचा. याआधीही शिल्पाने मध्येच करार मोडल्यामुळे बेनिफरने तिच्याकडून १२ कोटी रुपयांची मागणी केली होती. बेनिफरच्या मागणीवर मुंबईत सिनेमा आणि टीव्ही कलाकारांची संघटना 'सिनेटा'ने शिल्पाच्या काम करण्यावर प्रतिबंध घातला आहे.
