नीरज पांडे दिग्दर्शित 'बेबी' या चित्रपटात दहशतवाद्यांशी दोन हात करणारी तापसी पन्नू मराठमोळ्या मुलीच्या भूमिकेत दिसणार आहे. तिग्मांशु धुलियाच्या लघुपटात ती मराठी मुलीची भूमिका साकारत आहे. नववारी साडी, नथ, आंबाडा या लूकमधला फोटो तापसीने फेसबुकवर प्रसिद्ध केला आहे. याबाबत तापसी म्हणाली की, जेव्हा मला या भूमिकेसाठी विचारण्यात आले, त्यावेळी मी काहीही प्रश्न न विचारता होकार दिला. तिग्मांशु माझ्यासोबत पुन्हा एकदा काम करण्याची इच्छा झाली यानेचं मी खूप आनंदी झाले होते. प्रेमकथेवर आधारित असलेल्या या लघुपटाचे चित्रीकरण मुंबईत करण्यात येणार आहे.
