एका बागेबाहेर लावण्यात आलेली पाटी (स्थळ अर्थातच पुणे) - सर्वांनी तिकीट काढूनच आत येणे बंधनकारक आहे. चिंधीगिरी नको. - तिकीट शुल्क चुकवण्यासाठी 'नेहमीच येतो', 'भाऊंनी पाठवलंय' वगैरे कारणे येथे चालणार नाहीत. - कोणत्याही झाडाला विनाकारण आणि कारण काढूनही स्पर्श करू नये. - झाडांच्या बुंध्यावर 'लव्ह यू' वगैरे फाजील मजकूर लिहिलेला खपवून घेतला जाणार नाही. सीसीटीव्ही कॅमेऱ्यात या गोष्टी टिपल्या जात आहेत हे लक्षात घ्या. - प्रिय व्यक्तीस 'मी तुला खरंच आवडते/आवडतो का?,' वगैरे लाडिक प्रश्न विचारताना गवत उपटण्याची गरज नाही. ते पुन्हा वाढायला वेळ लागतो.
