मुख्यमंत्री देवेंद्र फडणवीस यांची पत्नी अमृता फडणवीस यांच्या गाडीला शनिवारी सकाळी मुंबई येथे अपघात झाला. लोअर परळ परिसरात त्यांच्या इनोव्हा गाडीला एका काँक्रिट मिक्सरने धडक दिली. मात्र, या अपघातात अमृता यांना कोणतीही इजा झाली नसल्याचे सूत्रांनी सांगितले. अमृता फडणवीस आज सकाळी लोअर परेल भागातील त्यांचे काम आटपून घरी परतत असताना हा अपघात घडला. काँक्रिट मिक्सरने अमृता फडणवीस बसलेल्या त्या बाजूने त्यांच्या इनोव्हाला धडक दिली. या धडकेमुळे गाडीची एक बाजू पुर्णपणे घासली गेली असून गाडीच्या दर्शनी भागाचेही नुकसान झाल्याचे समजते. दरम्यान, देवेंद्र फडणवीस सध्या भाजपच्या राज्य अधिवेशनाच्यानिमित्ताने कोल्हापूरात आहेत.