नवी मुंबईतील वाशी येथील बिल्डर लोहारिया हत्या प्रकरणात आता गुन्हे शाखेच्या संशयाची सुई गुन्हेगारी जगताच्या दिशेने वळली आहे. या हत्या प्रकरणात गुन्हेगारी जगतातील काही नामचिन गुंडांचा हात होता का, याचा तपास पोलीस करत आहेत. त्याचप्रमाणे बांधकाम व्यवसायातच असलेल्या सुरेश बिजलानी याचाही शोध पोलीस घेत आहेत. बिजलानी याचा अटकपूर्व जामीन सोमवारी उच्च न्यायालयाने रद्द केला आहे.
