मुंबईतील दिंडोशी बस डेपोमागे असलेल्या झोपडपट्टीमध्ये मंगळवारी रात्री पावणे अकराच्या सुमारास आग लागली. आगीचे वृत्त समजताच अग्निशमन दलाचे चार बंब घटनास्थळी दाखल झाल्या आहेत. आगीचे कारण अद्याप अस्पष्ट असून या आगीत कोणी जखमी झाले आहे का हेदेखील अस्पष्ट आहे. दिंडोशी बस डेपोमागे पठाणवाडी परिसर असून या भागातील झोपडपट्टीमध्ये रात्री भीषण आग पसरली. आग झपाट्याने पसरत असल्याने परिसरात खळबळ उडाली होती.