मुंबईतील मध्य, हार्बर, ट्रान्स हार्बर, पश्चिम रेल्वे या चारही मार्गांवर आज (रविवार) मेगाब्लॉक घेण्यात येणार आहे. त्यामुळे या मार्गांवरील वाहतुकीवर परिणाम होण्याची शक्यता आहे. मध्य रेल्वेवर माटुंगा ते मुलुंडमध्ये डाऊन स्लो मार्गावर सकाळी ११.३० ते दुपारी ४.३० पर्यंत मेगाब्लॉक आहे. हार्बरवर सीएसटी ते चुनाभट्टी - माहीम दरम्यान अप आणि डाऊन मार्गावर सकाळी ११.१० ते सायंकाळी ४.४० पर्यंत ब्लॉक असेल. या कालावधीत सीएसटी ते कुर्ला आणि सीएसटी ते वांद्रेमधील वाहतूक पूर्णपणे बंद असेल. ट्रान्स हार्बर मार्गावर दुपारी १२.३५ ते २.०५ या वेळेत विशेष ब्लॉक आहे. पश्चिम रेल्वेच्या अखत्यारीत येणाऱ्या हार्बर मार्गाच्या गोरेगावपर्यंतच्या विस्तारासाठी रविवारी दुपारी १२ वाजेपर्यंत जोगेश्वरी स्थानकाजवळ डाऊन स्लो मार्गावर ब्लॉक घेण्यात येणार आहे.
