मेट्रो-तीनच्या प्रस्तावित कारशेड डेपोसाठी आरे वसाहतीमधील झाडे तोडण्यास महाराष्ट्र नवनिर्माण सेनेनेही विरोध केला आहे. ‘मनसे’ अध्यक्ष राज ठाकरे यांच्या पत्नी शर्मिला आणि मुलगा राज यांनी बुधवारी आपला विरोध व्यक्त केला. आरे वसाहतीमधील एकही झाड तोडू दिले जाणार नाही, असा इशाराही त्यांनी दिला. या संदर्भात आपण स्वयंसेवी संघटनांशीही बोललो आहोत. त्यांचाही झाडे तोडण्यास विरोध आहे. मुंबईत ‘ग्रीन झोन’ राहिला पाहिजे, असे मत शर्मिला ठाकरे यांनी व्यक्त केले.
