३१ डिसेंबरच्या रात्री मद्यपान करण्यासाठी बसलेल्या अनू राठोड, उदल राठोड व मंगेश डोंगरे या मित्रांमध्ये भांडण झाल्याने अनूने उदल व मंगेशवर चाकूहल्ला केला. गंभीर जखमी झालेल्या दोघांना शहापूरच्या रुग्णालयात दाखल करण्यात आले. तिथे मंगेशचा मृत्यू झाला, उदलची प्रकृती चिंताजनक आहे. आसनगाव वालशेत येथे हा प्रकार घडला. या घटनेनंतर अनू फरारी झाला असून, पोलीस त्याचा शोध घेत आहे.