राज्यातील विधान परिषदेच्या पोटनिवडणुकीत एकाच वेळी मुदत संपणाऱ्या दोन जागांसाठी स्वतंत्र निवडणूक होत असताना, जम्मू आणि काश्मिरमध्ये एकाच वेळी मुदत संपणाऱ्या राज्यसभेच्या दोन जागांसाठी मात्र एकच निवडणूक होऊन त्यात कोटा पद्धतीने मतदान होईल. विधान परिषदेच्या चार जागांसाठी ३० तारखेला पोटनिवडणूक होत असून, चारही जागांसाठी स्वतंत्र निवडणूक होईल. माजी मुख्यमंत्री पृथ्वीराज चव्हाण व विनायक मेटे या दोघांची मुदत जुलै २०१६ मध्ये संपत आहे.
