25 September 2017

News Flash

सेनेचा बाण सरळ जाऊन भेद करतो!

मुख्यमंत्र्यांसमक्षच उद्धव ठाकरे यांची टिप्पणी

विशेष प्रतिनिधी, मुंबई | Updated: July 17, 2017 1:39 AM

शिवसेना पक्षप्रमुख उद्धव ठाकरे

मुख्यमंत्र्यांसमक्षच उद्धव ठाकरे यांची टिप्पणी

‘‘बाळासाहेबांनंतर शिवसेनेचे काय होईल, असा प्रश्न अनेकांना पडला होता. परंतु, बाळासाहेबांनी हिरे-माणकापेक्षा अनमोल अशी माणस उभी केली होती. या माणसांनी शिवसेनेसाठी रक्ताचे पाणी केले. त्यांच्या साथीने शिवसेनेची आज भक्कम वाटचाल सुरु आहे. शिवसेनेचा बाण हा कधीही तिरका जात नाही तर सरळ जाऊन भेद करतो, अशी टिप्पणी शिवसेना पक्षप्रमुख उद्धव ठाकरे यांनी रविवारी केली.

मुंबई महापालिका निवडणुकीत गोरेगाव येथील नेस्को संकुलातच भाजपबरोबरील युतीचा कटोरा फेकून देत असल्याची घोषणा उद्धव ठाकरे यांनी केली होती तर मुख्यमंत्री देवेंद्र फडणवीस यांनीही शिवसेनेची सद्दी संपविण्याची भाषा केली होती. रविवारी शिवसेना नेते व उद्योगमंत्री सुभाष देसाई यांच्या ७५ व्या वाढदिवसानिमित्त याच नेस्को संकुलात उद्धव व मुख्यमंत्री फडणवीस एका व्यासपीठावर आले. सुभाष देसाई यांचा जीवनपट उलगडणाऱ्या पुस्तकाचे प्रकाशनही यावेळी झाले. या कार्यक्रमात बोलताना उद्धव यांनी शिवसेना हे एका कुटुंबासारखे असून शिवसेना व भाजपमध्ये नेते हे वरून लादले जात नाहीत तर कष्टाने घडतात असे सांगितले. सुभाष देसाई यांच्या कामाचा उत्साह पाहिला की त्यांच्या वयाचा दाखला तपासून पाहावेसे वाटते असे सांगत तुमच्यासारख्या वडीलधाऱ्यांचे मार्गदर्शन यापुढेही मला मिळत राहो, असेही ठाकरे म्हणाले. ‘‘ज्यावेळी लोक हिंदुत्वाचे नाव घ्यायला घाबरत होती त्यावेळी बाळासाहेबांनी ‘सामना’ दैनिक काढून हिंदुत्वाचा लढा उभारला. या दैनिकाच्या उभारणीपासून सुभाष देसाई यांचा मोलाचा वाटा होता ’’असेही ते म्हणाले.

देसाई यांचे वय ७५ असले तरी त्यांचा उत्साह तरुणांना लाजवणारा असल्याचे मुख्यमंत्री देवेंद्र फडणवीस यांनी सांगितले. उद्योगमंत्री म्हणून ‘मेक इन महाराष्ट्र’ कार्यक्रमात त्यांनी मोठे काम केल्याचे मुख्यमंत्री म्हणाले. उद्योजकांना कोणताही त्रस न होता देसाई यांनी अनेक उपक्रम राबविल्याचेही त्यांनी सांगितले. ‘सामना’च्या वाटचालीत त्यांचे मोलाचे योगदान असून त्यांनीही अधूनमधून ‘रोखठोक’ लिहावे, असा मार्मिक टोला मुख्यमंत्र्यांनी लगावला.

फडणवीस यांच्या नेतृत्वाखाली काम करण्यात आनंद-देसाई

उद्योगमंत्री म्हणून मुख्यमंत्र्यांनी मला कायम सहकार्य केले असून त्यांच्या नेतृत्वाखाली काम करण्यात एक वेगळाच आनंद असल्याचे सुभाष देसाई यांनी या वेळी सांगितले. बाळासाहेब ठाकरे यांनी ज्या दगडाला शेंदूर फासला तो देव झाला. माझ्यासारखा सामान्य कार्यकर्ता त्यांच्यामुळेच नेता होऊ शकला, असेही देसाई म्हणाले.

First Published on July 17, 2017 1:39 am

Web Title: uddhav thackeray devendra fadnavis subhash desai
  1. J
    Janardan
    Jul 17, 2017 at 7:54 pm
    उध्दवाचे असे अनेक बाण आता त्याच्यावर बुमरँग सारखे उलटायला लागले आहेत. शिवसेनेची पत पार धुळीला मिळाली आहे.
    Reply
    1. U
      uday
      Jul 17, 2017 at 9:55 am
      धनुष्य उचलता तरी येतं काय तुला उद्धव ? आणि म्हणे सेनेचा बाण सरळ जाऊन भेद करतो. तू पक्षप्रमुख झालास तेव्हापासूनच ' ती ' शिवसेना विझली. तुझ्या नुसत्या तोंडाच्या बाता. कोण भीक घालतो त्यांना !
      Reply
      1. A
        Abhijit
        Jul 17, 2017 at 9:15 am
        नुसती "बडबड'गीते... अतिशय भंगार.
        Reply
        1. K
          k bansidhar
          Jul 17, 2017 at 8:22 am
          बिनडोक उद्धव परत बोलला.त्याला वाटते कि आपण बोलतो म्हणजे द्यानेश्वरी,गीता बाहेर पडते.पण या मुख माण कधीच कळले नाही लोकांना त्याच्या तोंडातून बाहेर पडणारी घाण ऐकायची अजिबात हौस नाही.त्याचे प्रत्यंतर पहा हवेतर.गेलाय पन्नास वर्षात राज्यातील जनतेने सुज्ञपणे कधीच कोठेही पूर्ण सत्ता दिली नाही.पुढेही देणार नाही .हवे तर वेगवेगळ्या निवडणुकीतील निकाल त्याने चाम्च्यांकडून घेवून पाहावा. सतत जनतेने चौथ्या स्थानावर ठेवले आहे.पन्नास वर्षात पूर्ण सत्ता नाही याचा अर्थ ज्याला समजत नाही त्यांनी पैसा,दारू,कोंबड्या याच्या जोरावर कितीही मार्केटिंग केले तरी उपयोग शून्य आहे.निवडणुकीतील निकालानंतर त्याचे बाण सरळ कोठे घुसतात अजून समजले नाही काय?हवेतर निखील वागले यांना विचार. राज्यात लोक म्हणतात कि यांचे बाण यांच्याच पार्श्व भागात घुसले.बाण घुसला काय घुसला असे विचारतात.याच्यासारखा निर्लज्ज माणूस जगात नाही.अर्थात याला तुमच्यासारख्या उथळ,पिवळ्या भ्रष्ट पत्रकारांची साथ आहे जे त्याच्या बरळ याला मुख्य पानावर फोटो जागा देतात त्यामुळे हे मर्कट आणखीच उड्या मारते.निर्लज्ज पानाची कमाल आहे.
          Reply
          1. A
            ABHED
            Jul 17, 2017 at 7:11 am
            बाळासाहेब ठाकरे यांनी ज्या दगडाला शेंदूर फासला तो देव झाला. आणि त्यातले काही देवाचे दानव कधी झाले हे कोणाला कळलंही नाही जे आज कोणी तुरुंगात तर कोणी दुसऱ्या पक्षात आहेत कोणी भविष्यात जातील अशी हिरे-माणकापेक्षा अनमोल अशी माणस उभी केली शिवसेनेचा बाण हा कधीही तिरका जात नाही तोच तर मोठा प्रश्न आहे
            Reply
            1. Load More Comments