27 May 2017

News Flash

महाराष्ट्राचे मुख्यमंत्री भाजपकुमार थापाडे; राज ठाकरेंचा फडणवीसांवर हल्लाबोल

राज ठाकरेंची शिवसेना भाजपवर जोरदार टीका

लोकसत्ता ऑनलाइन | Updated: March 1, 2017 12:12 PM

मनसेप्रमुख राज ठाकरे

नाशिक महापालिका निवडणुकीच्या पार्श्वभूमीवर मनसेप्रमुख राज ठाकरे यांची नाशिकमध्ये सभा झाली. या सभेत राज ठाकरे यांनी मुख्यमंत्र्यांसह भाजप आणि शिवसेनेवर जोरदार शाब्दिक हल्ला चढवला. भाजपला पर्यायी शब्द भाजप आहे आणि मुख्यमंत्री भाजपकुमार थापाडे आहेत, असे म्हणत राज ठाकरेंनी मुख्यमंत्र्यांसह भाजपवर जोरदार हल्लाबोल केला. भाजपसोबतच शिवसेनेलाही राज ठाकरेंनी लक्ष्य केले.

‘नाशिकमध्ये महापालिकेच्या माध्यमातून जे काम केले, ते मनापासून केले. निविदांच्या माध्यमातून पैसे खाण्याची मला सवय नाही. बाकीच्या पक्षांना फक्त शहरांना ओरबाडून पैसे खायचे आहेत. नाशिक महापालिकेत भ्रष्टाचार करु न दिल्याने अनेकांनी पक्ष सोडला. भाजपने त्यांच्यासमोर पैसे फेकले. त्यामुळे काही लोक भाजपमध्ये केले,’ अशा शब्दांमध्ये राज ठाकरेंनी पक्ष सोडणाऱ्यांवर घणाघाती टीका केला.

‘नाशिक महापालिकेवर गेल्या पाच वर्षांमध्ये भ्रष्टाचाराचा एकही आरोप झालेला नाही. काँग्रेस-राष्ट्रवादीचे सरकार राज्यात असताना नाशिक महापालिकेला आयुक्त देण्यात आला नाही. मात्र तरीही नाशिक महापालिकेने चांगले काम केले आहे. एल एँड टी, जीवीके, टाटा, महिंद्रा यासारख्या कंपन्यांच्या सीआरएस फंडातून नाशिकमध्ये अनेक कामे झाली आहेत. शहरातील कचरा व्यवस्थापनासाठी घंटागाड्या उपलब्ध आहेत. या गाड्या नेमक्या कोणकोणत्या भागात त्यावर जीपीएसच्या माध्यमातून नजर ठेवली जाते. नाशिकमधील अनेक रस्त्यांच्या निविदा २०१३ मध्ये निघाल्या. त्यावेळी रस्त्यांची कामे झाली आणि तरीही मुख्यमंत्री देवेंद्र फडणवीस भाजप सरकारच्या माध्यमातून कामे झाल्याचे सांगतात,’ असे म्हणत राज ठाकरेंनी मुख्यमंत्र्यांचा उल्लेख भाजपकुमार थापाडे म्हणून केला.

‘शिवसेनेने २५ वर्षे मुंबई महापालिकेत सत्ता असताना कोणती कामे केली, हे माझ्यासोबत एकाच व्यासपीठावरुन सांगावे,’ असे म्हणत राज ठाकरेंनी शिवसेनेला थेट आव्हान दिले. ‘शहर विकास हा माझ्यासाठी आवडीचा विषय आहे. तो राजकारणाचा आणि पैसे खाण्याचा विषय नाही. उज्जैनच्या कुंभमेळ्यात कमी भाविकांची उपस्थिती असूनही त्या ठिकाणी केंद्र सरकारने जास्त निधी दिला. मात्र भाविकांची संख्या जास्त असूनही नाशिकमधील कुंभमेळ्याला अतिशय तुंटपुजा निधी देण्यात आला. मात्र तरीही नाशिक महापालिकेने कुंभमेळ्याचे व्यवस्थित नियोजन केले. त्यामुळेच नाशिकच्या महापौरांचा अमेरिकेत सत्कार झाला,’ असे म्हणत राज ठाकरे यांनी नाशिकमधील विविध कामांची माहिती उपस्थितांना दिली.

लोकसत्ता टीम February 17, 20178:39 pm

पुन्हा मनसे हवी की भ्रष्ट पक्ष हवेत हे नाशिककरांनी ठरवावं- राज ठाकरे

लोकसत्ता टीम February 17, 20178:38 pm

बाकीच्या पक्षांना फक्त ओरबाडून पैसे खायचे आहेत- राज ठाकरे

लोकसत्ता टीम February 17, 20178:37 pm

काँग्रेस राष्ट्रवादी सरकारने दोन वर्षे नाशिकला आयुक्तच दिला नाही- राज ठाकरे

लोकसत्ता टीम February 17, 20178:36 pm

टेंडरच्या माध्यमातून पैसे खाण्याची मला सवय नाही- राज ठाकरे

लोकसत्ता टीम February 17, 20178:33 pm

एलटी, जीवीके, टाटा, महिंद्रा सारख्या कंपन्यांच्या सीएसआरमधून नाशिकमध्ये अनेक कामं- राज ठाकरे

लोकसत्ता टीम February 17, 20178:28 pm

आतापर्यंत जे कामं केलं, ते मनापासून केलं- राज ठाकरे

लोकसत्ता टीम February 17, 20178:28 pm

भ्रष्टाचार करु दिला नाही, म्हणून अनेकांनी पक्ष सोडला- राज ठाकरे

लोकसत्ता टीम February 17, 20178:26 pm

भाजपकडून ८८ गुन्हेगारांना निवडणुकीचं तिकीट- राज ठाकरे

लोकसत्ता टीम February 17, 20178:26 pm

भाजपने पैसे फेकल्याने काहीजण त्यांच्याकडे गेले- राज ठाकरे

लोकसत्ता टीम February 17, 20178:26 pm

शहरातील कचरा व्यवस्थापनासाठी २०० घंटागाड्या- राज ठाकरे

लोकसत्ता टीम February 17, 20178:25 pm

शहर विकास हा माझा आवडीचा विषय; राजकारणाचा नाही- राज ठाकरे

लोकसत्ता टीम February 17, 20178:22 pm

पुढील ४० वर्षे नाशिकला २४ तास पाणी मिळेल- राज ठाकरे

लोकसत्ता टीम February 17, 20178:18 pm

नाशिकमधील रस्त्यांच्या कामाच्या निविदा २०१३ मध्ये निघाल्या. तरीही मुख्यमंत्री भाजपने मदत केल्याचं सांगतात- राज ठाकरे

लोकसत्ता टीम February 17, 20178:16 pm

अमेरिकेत आमच्या महापौरांचा सत्कार झाला- राज ठाकरे

लोकसत्ता टीम February 17, 20178:15 pm

शिवसेनेनं २५ वर्षांमध्ये काय केलं, हे माझ्यासोबत उभं राहून एकाच व्यासपीठावरुन सांगावं- राज ठाकरे

लोकसत्ता टीम February 17, 20178:13 pm

नाशिक महापालिकेवर गेल्या पाच वर्षांत भ्रष्टाचाराचा एकही आरोप नाही- राज ठाकरे

लोकसत्ता टीम February 17, 20178:12 pm

१९५२ साली स्थापनेपासून जनसंघ ते भाजप प्रवास करणाऱ्या पक्षाला स्वतःचे उमेदवार मिळत नाहीत?: राज ठाकरे

लोकसत्ता टीम February 17, 20178:12 pm

शिवसेना, भाजपने नाशिकमध्ये गंभीर गुन्हे असलेले ८८ उमेदवार उभे केले आहेत. जे राष्ट्रवादी करत होती, तेच भाजप करत आहे. भाजपला सत्तेचा माज आला आहे – राज ठाकरे

लोकसत्ता टीम February 17, 20178:12 pm

ही विकास नियमावली अस्तित्वात आली तर, नाशिककरांना शहराबाहेर पडावे लागेल. निम्मे नाशिक विस्थापित होईल – राज ठाकरे

लोकसत्ता टीम February 17, 20178:12 pm

नाशिकची व्हायरल झालेली विकास नियमावली असे सांगते की, ९ मीटरच्या खालील रस्त्यांवरील घरांना वाढीव एफएसआय मिळणार नाही – राज ठाकरे

लोकसत्ता टीम February 17, 20178:12 pm

छत्रपती शिवाजी महाराजांचे स्मारक उभे करायचे असेल तर, गड-किल्ल्यांची नीट निगा राखा, ती खरी स्मारके. पुतळे कशाला हवेत? – राज ठाकरे

लोकसत्ता टीम February 17, 20178:12 pm

थापेबाज मुख्यमंत्री उद्या नाशिकमध्ये येऊन थापा मारतील. मेट्रो, मोनो, विमानतळ उभारण्याची वाट्टेल ती आश्वासने देतील – राज ठाकरे

लोकसत्ता टीम February 17, 20178:11 pm

कल्याण डोंबिवलीला साडेसहा हजार कोटी देणार होते. एक रुपयाही दिलेला नाही- राज

लोकसत्ता टीम February 17, 20178:11 pm

थापाला पर्यायी शब्द म्हणजे भाजपा, मुख्यमंत्री हे तर भाजपकुमार थापाडे- राज ठाकरे

First Published on February 17, 2017 8:09 pm

Web Title: mns chief raj thackeray speech nashik municipal corporation election
  1. P
    Pankaj
    Feb 17, 2017 at 3:59 pm
    Ekach bhashan sagalikade...
    Reply
    1. N
      ncvn
      Feb 17, 2017 at 3:01 pm
      २०१४ निवडणुकी नंतर.......मनसे नाशिक महानारपालिकेत............राष्ट्रवादी पक्षाचा पाठींबा घेतला होता................२०१७ निवडणुकीत दरम्यान आता वेगळे झाले आहेत.........काँग्रेस केंद्रात व राज्यात सत्तेवर असताना.........हे मराठीचे केवार ....घेणारे पक्ष.......त्यावेळी काँग्रेसवर टीका करावयाचे.....आता...बी. जे. पी वर.........टीका करत आहे.
      Reply
      1. N
        ncvn
        Feb 17, 2017 at 3:39 pm
        तुम्ही काय कमी थापा मारता..........सगळेच राजकीय पक्ष व नेते.........थापाडे आहेत............लोकांना मूर्ख बनवत आहेत...........हिट व रन केस मधील आरोपी.......सलमान खानला.......केस मधून सुटल्यावर त्याला भेटावयास त्याच्या घरी गेला होतात.........साक्षीदार दिवंगत रवींद्र पाटील.......याला आरोपीने मारले त्याच्या घरी सांत्वन करावयास न जाता .........आरोपी सलमान खान च्या घरी गेले होते.........मनसे पक्षप्रमुख
        Reply
        1. R
          Ramdas Bhamare
          Feb 18, 2017 at 4:20 am
          ट्रम्प साहेबाला म्हणावे ,आम्ही अमेरिकेपेक्षा २०० वर्षे तरी पुढे आहोत . कारण भारतात "माझ्याकडे कार नाही" हे नुसते ्लेअर करायलाच दीडदोन कोटी रुपये खर्च करावे लागतात !
          Reply
          1. R
            Ramesh Sarang
            Feb 17, 2017 at 4:02 pm
            राज साहेब स्वतःची तुंबडी भरण्यासाठी महापालिकेत निवडून गेलेल्या नगरसेवकांना टाटा सारख्या उद्योगपतीने महापालिकेचा पैसा खर्च न करता काम केल्यामुळे पैसा खाता आला नाही. नगरसेवक जरी तुम्हाला सोडून गेले तरी सामान्य मराठी माणूस तुमच्याच पाठीशी आहे.आज नितीन गडकरीनी शिवसेना हा खालपासून वर पर्यंत टक्केवारीवर चालणारा पक्ष आहे हे सांगितले. असे असले तरी हा निलाजरा उद्धव सत्तेतून बाहेर पडणार नाही. कारण१) नोटाबंधी मुळे झालेले शेकडो कोटीचे नुकसान भरून काढायचे आहे.२) अर्ध्याहून जास्त आमदार भाजप मध्ये जाणार.
            Reply
            1. S
              Shriram
              Feb 18, 2017 at 5:59 am
              एके काळी गाजलेला नट उतारवयात तोंडाचे बोळके, पांढऱ्या दाढीचे वाढलेले खुंट, दारू पिऊन पिऊन सुटलेले आणि थुलथुलीत झालेले शरीर या अवतारात येऊन हिरो सारखी डायलॉग बाजी करायला लागतो आणि सुरेश प्रभुंसारख्या अभ्यासू आणि जेष्ठ नेत्याच्या हातांची तंबाखू चोळल्यासारखी नक्कल करायला लागतो तेव्हा त्याची संतापयुक्त कीव येते आणि नियतीने त्याच्या पदरात योग्य तेच माप टाकले याची खात्री पटते. काप गेला नी भोके राहिली ही म्हण आठवते. एके काळी याचे पाठीराखे होतो म्हणून स्वतःचीच लाज वाटते.
              Reply
              1. S
                suresh
                Feb 17, 2017 at 3:32 pm
                अरे पचा पचा बोलण्या ऐवजी निवडणुकीला उभा राहा ना. एकदा उभा राहणार म्हणून शेपटी घातलीस ना आणि म्हणे सबंध महाराष्ट्र माझा आहे मग मी निवडणूक कशाला लढवायची? वा काय डोके आहे ! खरे कारण म्हणजे निवडणुकीला उभे राहिले तर संपत्ती दाखवायला लागेल ना ! याच कारणाने दोन्ही भाऊ निवडणुकीला उभे राहत नाहीत.कुठे ते फडणवीस आणि कुठे हा ? आता घोडा मैदान जवल आहे
                Reply
                1. Load More Comments