24 June 2017

News Flash

शेतकऱ्यांना कर्जमाफी द्या आम्ही जाहीर पाठींबा देऊ- उद्धव ठाकरे 

शेतकरी कामगार पक्षाचे राजू शेट्टी यांनी पक्षाला दिलेल्या पाठिंब्याबद्दल उद्धव यांनी त्यांचे आभार मानले.

लोकसत्ता ऑनलाईन, नाशिक | Updated: March 1, 2017 12:25 PM

शिवसेना पक्षप्रमुख उद्धव ठाकरे.

भाजपा सरकारमुळे शेतकऱ्यांची होरपळ झाली. शेतकरी राजा हवालदिल झाला. त्यात नोटाबंदी हे संकट दुष्काळात तेरावा महिना आहे.  नोटबंदी विरोधात मूठ आवळून दाखवा शिवसेनेच्या वचननाम्यात आम्ही थापा मारल्या नाहीत. देवेंद्र फडणवीस शेतकऱ्यांचं कर्ज माफ करा, उत्तरप्रदेश सारखं इथल्या शेतकऱ्यांनाही कर्जमाफी द्या, नवीन कर्ज कमी व्याजाने द्या आम्ही तुम्हाला जाहीर पाठिंबा देऊ असे म्हणत शिवसेना पक्षप्रमुख उद्धव ठाकरे यांनी भाजपावर अनेक टीकास्त्रही सोडले.

महापालिका निवडणुकीच्या पार्श्वभूमीवर शिवसेनेचे पक्षप्रमुख उद्धव ठाकरे यांची सभा नाशिकमधील हुतात्मा अनंत कान्हेरे मैदान पार पडली. यावेळी ते बोलत होते.

अजय बोरस्ते व विनायक पांडे यांच्यातील वादावर बोलताना ते म्हणाले की, मधल्या काळात एक छोटीशी घटना घडली. यावरून काही लोकांना वाटले की शिवसेनेची वाट लागली. परंतु तसे काही घडले  नाही. कारण  शिवसेनेची वाट लावणारा अजून जन्माला यायचा आहे. केवळ मतं पाहिजे म्हणून ‘अच्छे दिन’च्या थापा आम्ही मारत नाही. असे म्हणत यामुळे पक्षाचे देखील नुकसान झाले नाही. मी जे काही बोलतो ते रोख ठोक आणि स्पष्ट बोलतो. कारण याचे बाळकडू मला वडीलांकडून मिळाले असल्याचेही ते पुढे म्हणाले.

ब्रिटीश काळातील नाशिकमधील पूर्वइतिहासावर भाष्य करताना त्यांनी स्वातंत्रवीर विनायक दामोदर सावरकर, अनंत कान्हेरे, जॅक्सनचा वध यांचे अनेक दाखले दिले.

शेतकरी कामगार पक्षाचे राजू शेट्टी यांनी पक्षाला दिलेल्या पाठिंब्याबद्दल उद्धव यांनी त्यांचे आभार मानले. शिवसेनेचे मंत्री राजीनामा देणार का या मुद्द्यावर बोलताना ते म्हणाले, पत्रकार आमच्या आमदारांना नेहमी प्रश्न विचारतात की राजीनामा कधी देणार? आमचे आमदार राजीनामा देतील पण आधी कामे करून दाखवतील असे म्हणत ‘राजीनामा’च्या मुद्द्याला त्यांनी बगल देण्याचा प्रयत्न केला.

मुख्यमंत्र्यावर टीका करताना ते म्हणाले की, मुख्यमंत्री तथा राज्याचे गृहमंत्री फोन फिरवून राज्यातील सर्व पोलीस ठाण्यातील गुंडांची लिस्ट पोलिसांकडून मागवली आणि हे गुंड खरच त्यांच्या ताब्यात आले आणि भाजपमध्ये गेल्याचा आरोपही त्यांनी यावेळी केला.

चोर – दरोडेखोरांवर जितके गुन्हे नाहीत तितके शिवसैनिकांवर आहेत. लोकांच्या भल्यासाठी जर हे गुन्हे त्यांचावर लादले जाणार असतील तर त्या प्रत्येक शिवसैनिकाच्या पाठीशी मी उभा असल्याचेही ते म्हणाले.

 नोटाबंदी

३१ डिसेंबर रोजी सर्व लोक टीव्ही बंद करून बसले होते मोदी काय बोलतील याची लोकांच्या मनात भीती निर्माण झाली होती. कोणासाठी तुम्ही नोटबंदी केली? नोटाबंदी होऊन किती दिवस झाले? काय झाले त्याचे? भाजपामध्ये सर्व गावगुंड एकत्र आल्यावर त्या पक्षाचे तरी काय होणार असे प्रश्नही त्यांनी यावेळी उपस्थित केले. महिलांना त्रास देणाऱ्या गुंडांचा हात काढून हातात दिल्याशिवाय शिवसैनिक राहणार नाहीत, असेही ते म्हणाले.  भाजपला मेहबुबा मुफ्ती चालू शकतात, पण शिवसेना पक्ष चालत नाही. आम्ही नाकारलेले गुंड भाजपने घेतले. मंत्रालयाचे गुंडालय करणार आहात का?’ अशीही बोचरी टीकाही भाजपावर उद्धव यांनी केली.

मुंबईची म्हणे आम्ही पटना केली? कोणत्या नजरेतून भाजपने असे पाहिल्याचेही ते म्हणाले.  सामनावर बंदी आणावी या पत्रावर बोलताना ते म्हणाले, ‘सामना’वर बंदी आणून तर दाखवा, मग पाहा काय करतो ते, सामना हे वृत्तपत्र नसून आमचे शस्त्र आहे. ‘सामना’ला नख लावला तर महाराष्ट्र पेटून उठेल.’ असेही ते म्हणाले.

मनसेलाही चुचकारले

मनसेत गेलेले अनेक जण कंटाळून शिवसेनेत परत आले. त्यांना तिथे काम करता येत नव्हते म्हणून पक्षात ते परतलेत असे म्हणत उद्धव ठाकरेंनी मनसेवर टीका केली.

राज्यमंत्री दादा भुसे, महानगरप्रमुख अजय बोरस्ते, बबन घोलप, विजय करंजकर, पक्षाचे जिल्ह्यातील पदाधिकारी व कार्यकर्ते यावेळी उपस्थित होते.

भाजपचे अधिकृत उमेदवार अहमद काझी, काँग्रेसचे प्रीतेष जयप्रकाश छाझेड यांनी पक्षप्रमुख उद्धव ठाकरे यांच्या उपस्थितीत शिवसेनेत प्रवेश केला.

First Published on February 16, 2017 11:38 pm

Web Title: nashik elections 2017 uddhav thackeray
  1. M
    mohan sable
    Feb 16, 2017 at 10:26 pm
    शतकर्याना देशाचाया अन्न दात्याला खांग्रेस नी फुकटे आणि भिकारी बनवले हे सरकार त्याला स्वावलंबी आणि स्वाभिमानी बनवत आहे तर हे भुरटे काळे मांजर आडवं जाऊ पाहते आहे ह्याला सोटा हणाला पाहिजे जनतेने मतदान न करून कोथळा, बोटे , अफजल या पुढे हे जाऊ शकत नाहीत मुंबईचा काय विकास हे पुणेकर जाणून आहेत आम्ही अधून मधून येत असतो मुंबईत तुम्ही ५ वर्षातून एकदा येत असता इथे
    Reply
    1. P
      pravin
      Feb 17, 2017 at 3:15 am
      शेतकरी वर्गाला कर्जमाफी दिली की त्यांचे आर्थिक प्रश्न सुटतील का याचा कुठलाही राजकीय नेता विचार करताना दिसत नाही. सवंग लाेकप्रियता कशी मिळवता येईल याचा सर्व विचार करताना सर्व दिसत आहेत. प्रवीण म्हापणकर.
      Reply
      1. P
        Prakash Thakurdesai
        Feb 17, 2017 at 4:58 am
        अहो भाऊ, उत्तर प्रदेश मध्ये मा. पंतप्रधान नरेंद मोदी यांनी शेतकऱ्यांना कर्ज माफी जाहीर केली आहे मग त्यांना सुद्धा आपण सोटा हणणार का आणि भुरटे काळे मांजर बोलणार काय? जर देशात विजय ्ल्या सारख्याला कर्ज माफी मिळू शकते तर मग आपला पोशिंदा शेतकरी कर्जमाफी साठी का पात्र ठरू नये? अंध भक्ती सोडा आणि राजकारणात सगळेच हलकट आणि नीच आहेत याचे भान ठेवा.
        Reply
        1. S
          satish
          Feb 17, 2017 at 4:15 am
          गाजर कंपनीत हिम्मत आहे का शेतकऱ्यांचे कर्ज माप करण्याची ते फक्त गाजर वाटत फिरणार .
          Reply
          1. S
            Shriram
            Feb 17, 2017 at 6:16 am
            मंत्री राजीनामा नक्की देतील पण कामे केल्यावर असे उधोजी म्हणाले. म्हणजे कधीच नाही. कारण आता देवेंद्रांमुळे टक्केवारी बंद तेव्हा कामेही बंद. "अनंतहस्ते पालिका बजेटने खाता किती खाशील त्या मुखाने" अशी आतापर्यंत सेनेची सवय होती. आता परिवर्तन झालंय.
            Reply
            1. V
              Vishwajeet
              Feb 17, 2017 at 6:22 pm
              १) नोटाबंदी संकट आहे व शेतकऱ्यांच्या कर्जमाफीवर पाठिंबा देऊ असे ठाकरे म्हणतात त्यावरून त्यांचा अभ्यास किती कच्चा आहे दिसते. आणि हे भाषण कुठे तर, शहरात करत आहेत. वास्तविक नोटाबंदीचा त्रास हा मुद्दा तर राजकीय पक्षाचे मेलेले मढे झाले आहे. शहरात कुणालाही विचारा नोटाबंदी त्रास किती झाला? फार मोठा नाही हेच समजेल. जनतेला नाही मग कोट्यवधीची संपत्ती असणाऱ्या ठाकरे व इतर नेत्यांना एवढा त्रास का? तर स्वार्थाची पोळी भाजण्यासाठीच. शेतकऱ्यांना जर कर्जमाफी दिली तर सर्व प्रश्न सुटतील का? आत्महत्या थांबतील का?
              Reply
              1. V
                Vishwajeet
                Feb 17, 2017 at 6:19 pm
                २)कर्जमाफीने तात्पुरता दिलासा मिळेल हे ठाकरेंना कधी कळणार? भाजपमध्ये गुंड आहेत, मग शिवसेनेत अजिबात नाही हा तर मोठा विनोद आहे. अर्थात भाजपनेही अनेक चुका केल्या आहेत. जी चूक ठाकरेंनी विधानसभेच्या वेळी केली तीच पुन्हा करत आहेत-विकास व समस्या निर्मुलनावर बोलायचे सोडून ते भाजपवर टीका करत आहेत. भाजप बरोबर शिवसेनेचे काय मतभेद व भांडण आहे याच्याशी जनतेला काहीच देणे घेणे नाही. शहरात अतिक्रमण, विकास आरखडा, सुविधा, प्रदूषण, वाहतूक, अवैध धंदे अशा अनेक समस्यांवर न बोलता ठाकरेंनी नेहमीची वायफळ बडबड केली आहे.
                Reply
                1. S
                  surekha
                  Feb 17, 2017 at 3:38 am
                  शेतकरी कर्ज घेतो आणि त्याची परत फेड कधीच करीत नाही कारण हे निवडून दिलेले प्रतिनिधी त्यांना असा काही सल्ला देतात कि बाबानो सर्व कर्ज परत फेड करू नका आणि प्रत्येक निवडणुकीत आपली कर्ज परत फेडीची मागणी रेटून दर वेळेस कर्ज माफी करून घेतात हे दुष्ट चक्र आहे हे तोडणे आवश्यक आहे सरकारनी ह्या मागणीला बळी पडू नये. मता करिता लाचार सर्व पक्ष अशी मागणी सतत रेटत असतात. सरकार कडे कर रूपांनी येणारा सर्व पैसा मतदारांचा आहे फुकट वाटण्या करिता नव्हे तो योग्य रीतीनेच काटेकोर पणे वापरायला हवा
                  Reply
                  1. उर्मिला.अशोक.शहा
                    Feb 17, 2017 at 3:28 am
                    वंदे मातरम- इलेक्शन मुंबई महापालिके ची पण उद्धव ठाकरे मुंबई विकासा बद्दल काही च का बोलत नाहीत? त्या नि मुंबई महापालिकेवर वीस वर्षे राज्य केले मग त्या नि आपण केले लया कामांची यादी जाहीर का करू नये? मुंबईला काचऱ्या चा प्रश्न का सतावतो आहे? नाले सफाई वेळेवर का होत नाही? रस्त्यावर खड्यां चे साम्राज्य का आहे ? मुंबई च्या जनते चा वाहतुकी चा प्रश्न भस्मासुर झाला आहे त्या बद्दल शिव सेने ने काही च उपाय योजना का केली नाही इलेक्शन आले कि शिवराळ पणा करून मते मिळतील असे सेने ला वाटते का ?जा ग ते र हो
                    Reply
                    1. उर्मिला.अशोक.शहा
                      Feb 17, 2017 at 3:32 am
                      वंदे मातरम- शिवसेना प्रमुखांनी वीस वर्ष पूर्वी आपली मालमत्ता किती होती आणि आता किती आहे आणि उत्पन्न चे स्रोत कोणते आहेत हे जाहीर करावेत म्हणजे जनतेला कळेल कि भ्रष्टाचार केला आहे का नाही ठाकरे प्रामाणिक असतील तर त्यांना घाबराया चे काही च कारण नाही जा ग ते र हो
                      Reply
                      1. U
                        umesh
                        Feb 17, 2017 at 6:36 am
                        मुंबईची विशाल कचराकुंडी करण्याचे पाप शिवसेनेचे. कोणत्याही लोकल स्थानकाच्या अवतीभवती भयानक कचऱ्याचे ढीग दिसतात. उद्धवला ते दिसत नसतील. पण लोकांना दिसतात. शिवसेना पालिकेतून गेल्याशिवाय मुंबई देखणे शहर होऊ शकत नाही. पण दुदैर्व असे कि बावळट मराठी माणसे निवडणुकीच्या काळातच मराठीने बेभान होतात आणि उद्धवसारख्या चोराला मते देतात. नंतर पुन्हा कचरा, घाण आणि सफाई होत नाही म्हणून बोंबलत बसतात.
                        Reply
                        1. U
                          umesh
                          Feb 17, 2017 at 6:32 am
                          ‘सामना’ला नख लावला तर महाराष्ट्र पेटून उठेल.’.(???) ..आजचा विनोद...सामनाचा खप किती ते सांगून टाकले असते तर बरे झाले असते.
                          Reply
                          1. Load More Comments