ठाणे-बेलापूर मार्गावरील घणसोली नाका येथे शनिवारी मध्यरात्री झालेल्या अपघातात एकाचा जागीच मृत्यू झाला असून तीन जण गंभीर जखमी झाले आहेत. जखमींवर नवी मुंबई महानगरपालिकेच्या वाशी येथील रुग्णालयात उपचार सुरू आहेत. आजरा वझीर करेला असे या मृत व्यक्तीचे नाव असून नजमा खांडे व नसरीन खांडे या अपघातात जखमी झाले.
फोर्ड कार आणि कंटेनरचा अपघात झाला. कंटेनर चालकाच्या चुकीमुळे हा अपघात घडल्याचे पोलिसांनी सांगितले. भरधाव वेगात असलेल्या कंटनेर चालकाने फोर्ड गाडीला जोरात धडक मारली, त्यामुळे फोर्डच्या चालकाचे गाडीवरील नियंत्रण सुटले आणि भीषण अपघात घडला. कंटेनरचालक फरार झाला असून पोलीस अधिक तपास करीत आहेत.