मुंबई-पुणे द्रुतगती मार्गावर शनिवार सकाळी कामशेतजवळ स्कॉर्पिओ आणि ट्रकमध्ये झालेल्या भीषण अपघातात ४ जण ठार तर ८ जण गंभीररीत्या जखमी झाले आहेत. भरधाव स्कॉर्पिओ गाडीने ट्रकला मागून धडक दिल्याने हा अपघात झाला. अपघातात गाडीमधील चौघांचा जागीच मृत्यू झाला. जखमींना जवळच्याच निगडी येथील लोकमान्य रुग्णालयात दाखल करण्यात आले आहे. पोलिसांनी याप्रकरणी तक्रार नोंदवली असून मृतांची नावे मात्र अद्याप कळू शकलेली नाहीत.(संग्रहित छायाचित्र)