पुण्यातील आपटे रोडवरील एचडीएफसी बँकेजवळील रामी ग्रँड हॉटेलच्या पाचव्या मजल्याला आग लागली आहे. अग्निशामक दलाचे दोन बंब घटनास्थळी दाखल झाले असून ते आग विझविण्याचा प्रयत्न करत आहेत. हॉटेलच्या मागील बाजूस ही आग लागली. जनरेटरचा मोठा आवाज आला आणि आग लागल्याचे प्रत्यक्षदर्शींनी सांगितले. जीवित व वित्त हानीबाबत अद्याप काही माहिती मिळू शकलेली नाही. जंगली महाराज रोडजवळील परिसरात हे हॉटेल आहे.
