आगामी दोन दिवसांत विदर्भात गारपीट होण्याचा अंदाज पुणे वेधशाळेने वर्तविला आहे. याशिवाय, मध्य महाराष्ट्र आणि कोकणातही अवकाळी पावसाच्या सरी बरसण्याची शक्यता असल्याचे वेधशाळेने सांगितले आहे. त्यामुळे शेतकऱ्यांसह कोकणातील आंबा उत्पादक चांगलेच धास्तावले आहेत. आज सकाळपासूनच अमरावतीत पावसाला सुरूवात झाली असून आणखी काही दिवस हा पाऊस सुरू राहील, असे वेधशाळेने सांगितले.