हिंजवडीलगतच्या मारुंजी येथील खाणीत पोहायला गेलेल्या तरुणाचा पाण्यात बुडून मृत्यू झाल्याची घटना समोर आली आहे. शिवशंकर रेड्डी (वय २६, मूळ रा. कडप्पा, आंध्रप्रदेश) असे या तरुणाचे नाव आहे. पोलिसांच्या माहितीनुसार, काल सायंकाळी ५ वाजेच्या सुमारास शिवशंकर रेड्डी त्याच्या काही मित्रांसोबत पोहायला आला होता. मारुंजी येथे हिंजवडीजवळ खाणीमध्ये पोहताना अचानक तो पाण्यात गायब झाला. त्यानंतर आज सकाळी शिवदुर्गच्या बचाव पथकाला ही घटना कळविण्यात आल्यानंतर त्यांनी शिवशंकरची शोध मोहीम सुरु केली. अखेर बचाव पथकाच्या अथक प्रयत्नानंतर दुपारी ४ वाजता शिवशंकरचा मृतदेह बाहेर काढण्यात यश आले.
