डेंग्यूच्या प्रादुर्भावात राज्यात पुणे शहराचा या वर्षी तिसरा क्रमांक लागला आहे. तर राज्याच्या ग्रामीण भागातील डेंग्यूच्या रुग्णांच्या संख्येत पुणे जिल्हा सहाव्या क्रमांकावर आहे. विशेष म्हणजे शहरी भागातील डेंग्यू प्रादुर्भावात पिंपरी-चिंचवड पुण्याला मागे टाकून दुसऱ्या स्थानावर गेले आहे.
राज्याच्या आरोग्य सहसंचालक डॉ. कांचन जगताप यांनी ही माहिती दिली. या वर्षी आतापर्यंत राज्याच्या शहरी भागात डेंग्यूचे सर्वाधिक म्हणजे १७८ रुग्ण मुंबईत आढळले आहेत. त्याखालोखाल पिंपरी-चिंचवड आणि ठाण्यात डेंग्यूचे प्रत्येकी ५९ रुग्ण आढळले आहेत. तर ५८ रुग्णांसह पुणे शहर तिसऱ्या क्रमांकावर आहे. ग्रामीण भागाची आकडेवारी पाहता डेंग्यूच्या तब्बल ३५४ रुग्णांसह चंद्रपूर राज्यात पहिल्या क्रमांकावर आहे. पुणे जिल्हय़ात डेंग्यूचे ३४ रुग्ण आढळले असून, राज्यात जिल्हा सहाव्या क्रमांकावर आहे. आतापर्यंत राज्यात डेंग्यूच्या चार रुग्णांचा मृत्यू झाला असून यातही पुण्याच्या एका रुग्णाचा समावेश आहे.
२०१२ मध्ये पुण्याच्या ग्रामीण व शहरी भागात मिळून डेंग्यूचे ८३३ रुग्ण आढळले होते. यापैकी ८ रुग्णांचा मृत्यू झाला होता. २०१३ मध्येही डेंग्यूच्या रुग्णांची एकत्रित संख्या ८३३ अशी कायम राहिली, तर ९ रुग्णांचा डेंग्यूमुळे मृत्यू झाला.   
शालेय विद्यार्थ्यांमध्ये डेंग्यूविषयी जागृती निर्माण करण्यासाठी आरोग्य खात्याने या वर्षी विशेष मोहीम राबवली असून ती जिल्हा परिषदेच्या शाळांमध्ये सुरू आहे. डॉ. जगताप म्हणाल्या, ‘‘या मोहिमेत आठवी, नववी आणि दहावीच्या विद्यार्थ्यांना डेंग्यूचा एडिस इजिप्ती डास कसा दिसतो, डेंग्यूची लक्षणे काय, प्रतिबंधासाठी काय करावे अशा गोष्टी सांगण्यात येत आहेत. काही शाळांमध्ये १५ जून ते १५ जुलै या कालावधीत मोहीम राबवण्यात आली असून, काही शाळांमध्ये ती अजूनही सुरू आहे. पुण्याच्या ग्रामीण भागातील ६०० शाळांचा यात समावेश आहे.’’

jalgaon politics marathi news, bjp mla mangesh chavan marathi news
जळगावमध्ये भाजप-शिंदे गटात कुरघोड्या सुरूच
knight frank wealth report 2024
अग्रलेख : अधिक की व्यापक?
Ranji Trophy Mumbai's Tushar Deshpande and Tanush break the 78 year old record by scoring centuries against Baroda
Ranji Trophy : मुंबईच्या तुषार-तनुषने मोडला ७८ वर्षांपूर्वीचा विक्रम, बडोद्याविरुद्ध खेळताना रचला इतिहास
Halve the price of high priced garlic
लसूण स्वस्त; ग्राहकांना दिलासा, परराज्यातील लसणाचा हंगाम सुरू