पिंपरी-चिंचवडमध्ये पाऊस

दिवसभर ढगाळ राहणारे हवामान, आकाशात दाटून आलेले मळभ, त्रासदायक ठरणारा उकाडा आणि पाऊस पडणार असे वाटत असतानाच त्याने दिलेली हुलकावणी याचा अनुभव पुण्याच्या अनेक भागात नागरिकांनी घेतला. पिंपरी-चिंचवडमध्ये मात्र जोराच्या पावसाच्या सरी पडून गेल्या. जिल्ह्य़ाच्या भागात- मुळशी, मावळ, जुन्नर आणि खेड तालुक्यातही पाऊस झाला आहे.

Why strengthening of Ambazari lake in Nagpur
नागपूरच्या अंबाझरी तलाव बळकटीकरणाची गरज का? यंदाही पावसाळ्यात ‘ओव्हरफ्लो’ होणार का?
ST bus, msrtc, caught fire, thane, Pali, passengers, safe,
ठाण्यात एसटी बसगाडीमध्ये आग, प्रवासी सुखरूप
pune, wall of old wada, collapsed, budhwar peth, Firefighters, Save, 2 persons,lives,
पुणे : बुधवार पेठेत जुन्या वाड्याची भिंत कोसळली; अग्निशमन दलाच्या जवानांमुळे दोघांचे प्राण वाचले
unseasonal rain Vidarbha
‘या’ राज्यांत अवकाळी पावसाची शक्यता; विदर्भ, मराठवाड्याबाबत हवामान खात्याचा अंदाज काय? जाणून घ्या…

‘भारतीय हवामानशास्त्र विभागा’ने (आयएमडी) पुणे आणि परिसरासाठी वर्तवलेल्या अंदाजानुसार बुधवारीही गडगडाटी ढग निर्माण होण्याची शक्यता आहे. त्यानंतर देखील हवामान ढगाळच राहणार असून रविवारी व सोमवारी काही भागात मेघगर्जनेसह पाऊस पडण्याचा अंदाज आहे. मंगळवारी सकाळपासूनच हवामान ढगाळ होते, परंतु दुपारचे ऊनही भाजून काढणारे होते. पुण्यात मंगळवारी ४०.२ अंश सेल्सिअस तापमानाची नोंद झाली असून रात्रीचे तापमानही २५ अंश होते. त्यामुळे दिवसा आणि रात्रीही प्रचंड उकडते आहे. बुधवारीही दिवसाचे तापमान ४० अंशांवरच राहण्याची शक्यता आहे, परंतु त्यानंतर तापमानात घट होईल, असे ‘आयएमडी’ने म्हटले आहे.

पिंपरी-चिंचवडमध्ये मात्र अनेक भागात मंगळवारी संध्याकाळी पावसाच्या सरींनी हजेरी दिली. अचानक आलेल्या जोराच्या पावसामुळे पादचारी आणि वाहनचालकांची तारांबळ उडाली, तसेच काही काळ चौकांमध्ये वाहतूक कोंडीही झाली. पुण्याच्या आसपासच्या तालुक्यांमध्येही पाऊस झाला आहे.