21 August 2017

News Flash

अज्ञातवासातील राजे

छत्रपती शिवाजी महाराज यांचे वंशज असल्याने उदयनराजे भोसले यांच्याबद्दल एक वेगळा आदर सातारावासीयांच्या मनात

संतोष प्रधान | Updated: July 25, 2017 3:21 AM

छत्रपती शिवाजी महाराज यांचे वंशज उदयनराजे भोसले

‘निश्चयाचा महामेरू, बहुत जनांसी आधारू अखंड स्थितीचा निर्धारू, श्रीमंत योगी’ असे छत्रपती शिवाजी महाराज यांचे वर्णन केले जाते. रयतेचे रक्षण करण्यासाठी दुष्ट प्रवृत्तींचा महाराजांनी नि:पात केला. म्हणून शिवाजी महाराजांना रयतेचा राजा म्हणून संबोधले जाते. मोगलाई, आदिलशाही, निजामशाहीच्या जुलमी राजवटीपासून रयतेची सुटका करण्याकरिता शिवाजी महाराजांनी लढा दिला. सैन्यापासून रयतेस त्रास होऊ नये म्हणून खबरदारी घ्या, असा आदेशच शिवाजी महाराजांनी दिला होता. सैन्यासाठी चारा आणि धान्य बाजारभावाने विकत घ्यावा, अन्यथा सैनिक शेतकऱ्यांचे धान्य घेतील व शेतकरी नागवला जाईल. मग जनता म्हणेल यापेक्षा मोगल काय वेगळे होते? ‘एैसे झाल्यास मराठेयांची तो इज्जत राहणार नाही,’ असे छत्रपती शिवाजी महाराजांनी आपल्या सुभेदारांना पाठविलेल्या पत्रात म्हटले होते. कोणाला त्रास देऊ नका यावर शिवाजी महाराजांचा कटाक्ष असायचा. शिवाजी महाराजांची थोरवी गायली जात असतानाच त्यांचे १३वे वंशज उदयनराजे भोसले यांची कृती मात्र नेमकी उलटी असते. साताऱ्याच्या गादीचे राजे खून, खंडणी, मारामाऱ्या यांसारख्या गुन्ह्य़ांमध्ये अडकले आहेत. सध्या पोलिसांच्या नोंदीनुसार ते ‘बेपत्ता’ आहेत.

राजकारणाचे गुन्हेगारीकरण हा नेहमीच चिंतेचा विषय ठरला आहे. राजकारणात गुन्हेगारांना संधी देता कामा नये, असे राजकारणी मंडळी आवाहन करतात किंवा तशी मते मांडतात, पण त्यांच्या कृती आणि उक्तीत फरक असतो. मोहम्मद शहाबुद्दीन, राजाभैया, पप्पू यादव यांच्यासारखे अनेक गुन्हेगारीची पाश्र्वभूमी असलेली मंडळी संसद किंवा विधिमंडळांमध्ये निवडून येतात. त्यांना मानाची पदे दिली जातात. निवडून येण्याची क्षमता या एकाच निकषावर गुन्हेगारांचे फावते. याला कोणताही पक्ष अपवाद नाही. ज्या पप्पू कलानीच्या विरोधात भाजपने जंग जंग पछाडले त्याच्याच मुलाला उल्हासनगर महानगरपालिका जिंकण्यासाठी जवळ केले. नाशिकमध्ये पोलिसावर हल्ला करणारा भाजपला त्यातूनच जवळचा वाटतो. उत्तर भारतातील राजकारणात गुन्हेगारांना प्रतिष्ठा मिळत गेली. फक्त निवडून येण्याची क्षमता हा एकच निकष त्यासाठी उपयोगी ठरला. महाराष्ट्रातही अशी काही उदाहरणे आहेत. त्यात साताऱ्याचे राष्ट्रवादीचे खासदार उदयनराजे भोसले यांचे नाव प्राधान्याने घेता येईल.

शिवसेना-भाजप युतीचे सरकार असताना उदयनराजे भाजपवासी झाले आणि त्यांची महसूल खात्याचे राज्यमंत्री म्हणून वर्णी लागली. पुढे राष्ट्रवादीचे नगरसेवक शरद लेवे यांच्या खूनप्रकरणी उदयनराजे यांना तुरुंगात जावे लागले. अर्थात, तुरुंगापेक्षा रुग्णालयातच त्यांचा मुक्काम जास्त काळ होता. तेथे त्यांची बडदास्त ठेवली गेल्याचा आरोप झाला. लेवे खून खटल्यात न्यायालयाने त्यांची निर्दोष मुक्तता केली. पुढे सरकारने या निकालाच्या विरोधात उच्च न्यायालयात आव्हान दिले आणि अजूनही ते प्रलंबित आहे. पश्चिम महाराष्ट्रात पाय रोवण्याकरिता त्याही वेळी भाजपच्या नेतृत्वाने उदयनराजे यांना जवळ केले होते; पण त्यांचा फायदा होण्याऐवजी उपद्रव वाढल्याने भाजपने त्यांना दूर केले. २००९च्या लोकसभा निवडणुकीपूर्वी उदयनराजे यांना खासदारकीचे वेध लागले. काँग्रेसने त्यांना गळाला लावण्याचे प्रयत्न केले. शिवसेनेनेही खडा टाकून बघितला. शरद पवार यांच्या पंतप्रधानपदासाठी राष्ट्रवादीला राज्यातून जास्तीत जास्त खासदार तेव्हा निवडून आणायचे होते. मग राष्ट्रवादीने त्यांच्यासाठी लाल गालिचा अंथरला. सर्व पक्षांच्या नेत्यांशी चर्चा केल्यावर मग उदयनराजेंनी राष्ट्रवादीची वाट पत्करली. राष्ट्रवादीत अधिकृतपणे प्रवेश करण्याच्या समारंभात कोणत्या खुर्चीवर बसायचे यावरून गडबड झाली आणि राजेंचे पित्त खवळले. खुर्ची देता की जाऊ, असे दरडावताच राष्ट्रवादीच्या नेत्यांना राजेंची मनधरणी करावी लागली होती. राष्ट्रवादीचे खासदार म्हणून निवडून आले असले तरी त्यांचे सारेच वागणे स्वयंभू. त्यामुळे मी म्हणजेच पक्ष अशी त्यांची भूमिका कायम राहिली. अजित पवार, रामराजे नाईक निंबाळकर यांच्यापासून कोणालाच त्यांनी जुमानले नाही. राजेंची दादागिरी राष्ट्रवादीचे नेते निमूटपणे सहन करीत आले. पक्षाध्यक्ष शरद पवार यांचा उदयनराजेंना आशीर्वाद असल्याने राष्ट्रवादीच्या स्थानिक नेत्यांचा नाइलाज झाला. राष्ट्रवादीच्या एका आमदाराच्या कार्यकर्त्यांला राजे यांनी कसे बदडून काढले होते याचे किस्से विधान भवनात ऐकायला मिळतात.

पुढे उदयनराजेंची दडपशाही वाढत गेली. खंडणी, मारझोड, टोल नाक्यांवर दादागिरी, ठेकेदार, वाळूमाफियांना मदत, जमिनींच्या व्यवहारांमधील गैरव्यवहार यामध्ये राजेंची जवळपासची माणसे गुंतल्याचे आरोप झाले. या संदर्भात शेकडो लोकांच्या जमिनी बळजबरीने लाटल्याच्या तक्रारी करण्यात येतात. लोकांच्या जमिनी हडप केल्याबद्दल माजी आमदार विवेक पंडित यांनी साताऱ्यात जिल्हाधिकारी कार्यालयावर काढण्यात आलेल्या मोर्चात स्वत: उदयनराजेच सहभागी झाले होते. मोर्चात सहभागी झालेल्या लोकांना मग धमकाविण्यात आले होते. एखाद्याच्या विरोधात मोर्चा काढायचा आणि त्यानेच मोर्चात सहभागी व्हायचे, असा प्रकार दुर्मीळ. उदयनराजे यांच्याबाबत तेही घडले. सातारा परिसरातील टोल नाक्यांवर राजेंचीच दादागिरी चालते. अवैध धंदेवाल्यांना राजांच्या निकटवर्तीयांचेच पाठबळ मिळते, असा आरोप साताऱ्यातील नागरिकांकडून केला जातो. जमिनी बळकाविण्यात राजांच्या जवळच्या कार्यकर्त्यांचाच सहभाग असतो, असेही साताऱ्यात उघड उघडपणे बोलले जाते. महागडय़ा मोटारी बाळगण्याचा आणि अत्यंत वेगाने मोटार चालविण्याचा त्यांना शोक आहे. ३५ मिनिटांत सातारा ते पुणे अंतर पूर्ण केल्याचा आचरट दावा ते करतात. नेहमी त्यांच्या ताफ्यात दहा ते बारा आलिशान गाडय़ा आणि पलवानांची फौज असते. जिल्हय़ातील विविध कामगार संघटनांच्या पाठीशी उभे राहून औद्योगिक क्षेत्रात स्वत:चे वर्चस्व प्रस्थापित करण्याचा त्यांचा प्रयत्न असतो.

लोणंद येथील ‘सोना अ‍ॅलॉइज’च्या मालकाला खंडणी आणि जिवे मारण्याचा प्रयत्न हे एक छोटेसे प्रकरण आहे. उदयनराजेंबाबत अशा गोष्टींची नेहमीच चर्चा होत असते. फक्त तक्रार करण्यास फारसे कोणी पुढे येत नाही. या कंपनीच्या मालकाने गुन्हा दाखल करण्याचे धाडस दाखविल्याने उदयनराजे अडचणीत आले आहेत. न्यायालयाने अटकपूर्व जामीन फेटाळल्याने अटक अटळ आहे. अटकेच्या भीतीनेच बहुधा उदयनराजे साताऱ्यात येण्याचे टाळत होते. पण गेल्या शुक्रवारी ते अवतरले आणि जोरदार शक्तिप्रदर्शन केले. फटाके फोडण्यात आले. मिरवणूक काढण्यात आली. अगदी पोलीस अधीक्षकांच्या निवासस्थानावरून ही मिरवणूक गेली. फरार असलेल्या उदयनराजे यांना हात लावण्याची पोलिसांची हिम्मत झाली नाही. दुसऱ्या दिवशी कायदा सर्वाना समान व खासदार भोसले यांना अटक करणारच, असे कोल्हापूर विभागाचे पोलीस महानिरीक्षक विश्वास नांगरे-पाटील यांनी जाहीर केले. पण शहरात भर गोंगाटात खासदार महाशयांचे शक्तिप्रदर्शन सुरू असताना पोलीस काय करीत होते, असा प्रश्न उपस्थित होतोच. हा सारा गोंधळ घातल्यावर उदयनराजे पुन्हा अज्ञातवासात गेले.

गुन्हेगारी प्रवृत्तीचे नेते स्थानिक रहिवाशांच्या किंवा गोरगरिबांच्या मदतीला नेहमीच धावून जातात. यामुळेच समाजाच्या दृष्टीने ते गुन्हेगार असले तरी स्थानिक जनता त्यांना डोक्यावर घेते. असाच काहीसा प्रकार उदयनराजेंबाबत आहे. छत्रपती शिवाजी महाराज यांचे थेट वंशज असल्याने त्यांच्याबद्दल एक वेगळा आदर सातारावासीयांच्या मनात आहे. स्थानिक जनता त्यांनाच साथ देते. अलीकडेच झालेल्या नगरपालिका निवडणुकीत आपले चुलत बंधू राष्ट्रवादीचेच आमदार शिवेंद्रराजे भोसले यांच्या पत्नीच्या विरोधात उदयनराजेंनी स्वतंत्र उमेदवार उभा केला. या निवडणुकीत राजा विरुद्ध प्रजा, असा रंग दिला. त्यात खासदार उदयनराजे यांनी पाठिंबा दिलेला उमेदवार निवडून आला. याचाच अर्थ उदयनराजेंना जनतेची साथ आहे. पण ‘अति झाल्यावर माती होते,’ अशी मराठीतील म्हण प्रसिद्ध आहे. कोल्हापूरमध्ये राजघराण्याची परंपरा असलेल्या एका नेत्याच्या डोक्यात अशीच हवा गेली. विरोध करणाऱ्यांना वाडय़ावर बोलावून त्याचा भाऊ चाबकाने फटके देत असे. शेवटी कार्यकर्तेच त्या नेत्याच्या विरोधात गेले आणि निवडणुकीतील पराभवानंतर हा नेता राजकीयदृष्टय़ा विजनवासात गेला. उदयनराजेंच्या आई कल्पनाराजे यांच्या विरोधात मागे अशाच प्रकारचे आरोप यापूर्वी झाले होते. शिवाजी महाराजांचे वंशज, राजघराण्याची पुण्याई या जोरावर उदयनराजे आतापर्यंत निवडून आले आहेत. हक्काची जागा असल्याने साऱ्याच राजकीय पक्षांच्या त्यांच्याकडे नजरा असतात. भाजप तर अशा नेत्यांसाठी गळ लावूनच बसला आहे.

उदयनराजेंना वाचविण्याकरिता राष्ट्रवादीच्या काही मंडळींनी आता पुढाकार घेतला आहे. जितेंद्र आव्हाड हे त्यांच्या समर्थनार्थ पुढे आले आहेत. रयतेचे कल्याण त्यासाठी प्रसंगी कठोर भूमिका घेणारे किंवा कल्याणच्या सुभेदाराच्या सुनेला परत सन्मानाने पाठविणारे शिवाजी महाराज कुठे आणि खून, खंडणी यांसारख्या आरोपांमुळे बदनाम झालेले उदयनराजे कुठे? नैतिकतेचा टेंभा मिरवणारे मुख्यमंत्री देवेंद्र फडणवीस या कथित ‘राजा’वर कारवाई करणार का, हा प्रश्न आहे. त्याच्या उत्तरातच महाराष्ट्राचे सत्त्व दडलेले आहे.

संतोष प्रधान

santosh.pradhan@expressindia.com

First Published on July 25, 2017 3:21 am

Web Title: marathi articles on udayanraje bhosale
  1. A
    Ashok
    Jul 25, 2017 at 8:28 pm
    सातारची छत्रपती पद १८४८ तर कोल्हापूरचं १९४७ मधे . छत्रपती शिवाजी महाराज ,सम्भाजी माहराजांच राजेपण जनतेने दिलेल व कर्तुत्वान मिलवलेल होत.आदर या छत्रपति चा करावा आनी पुर्न देश तो करतो कारण त्यांच कर्तुत्व तेवढ आहे. म्हनुन फक्त माहरजांचे वंशज असले म्हनुन कोनी अरेरवी करत असेल आनी आपन अंधपणाने समर्थन करत असेल तर हा घातक पायन्डा आहे. याला पुन्हा जातिय रंग दिला जातोय महाराष्ट्र आहे का बिहार . ते निर्दोष असतील ते कायदा बघेल .
    Reply
  2. P
    Pravin
    Jul 25, 2017 at 8:23 pm
    खूपच परखड विश्लेषण. घराणेशाली डोक्यावरून उतरवण्याची महत्वाची गरज यातून विशद झाली आहे. वाचकांना यातून घराणेशाहीचा खरा प्रवास नक्कीच समजून घेण्यास मदत होईल.
    Reply
  3. V
    Vishnu
    Jul 25, 2017 at 4:57 pm
    मी म्हणतो कि उदयनराजे गुनहेगार आहेत तर बलात्कारासारखं गुणही करून सुद्धा काहींना एका दिवसात जमीन मिळतो कसा आणि जयावेळी पोलिसाना मीडियाने विचारले कि तुम्ही या बलात्कार प्रकरणात काय करणार तर ते म्हणाले कि ते आमुक एकाचे नातू आहेत.चोकशी करून कारवाही करू.मग उदयनराजे कोण आहेत.हे माहित नाही का! इथे वाटले नाही कि चोकशी करावी कि तक्रार खरी का खोटी आहे ते.संदीप येवले SRA प्रकरणात नाही तत्परता दाखवली येवले लाचेची रक्कम घेयून फिरतो आहे.मंत्री म्हणतात माहिती घेणे चालू आहे.अरे काय चालले हे...........हे वेळीच थांबवा नाही तर कोणताही समाज आठ खुळा राहिला नाही जरी त्याला १०० नाही राजकारण समजले तरी हे जे काही चालू आहे त्याचा त्याला बऱ्यापैकी अंदाज यात आहे.लेखणी हताःत आहे म्हणून काही लिखाण नका करू.मी स्वतः लोकसत्ता या वर्तमानपत्राकडे प्रिन्टमेडीया मधील विश्वासु वर्तमानपत्र म्हणून पाहतो.या लेखात लेखक एक नायाधीशाच्या भूमिकेत असले सारखे जाणवले.
    Reply
  4. H
    Harish Joshi
    Jul 25, 2017 at 2:35 pm
    अत्यंत एकांगी आणि वाह्यात लेख. निदान असा वाह्यात लेख लिहिण्या आधी एवढ तरी लक्षात घ्यायचे कि ज्या व्यक्ती बद्दल आपण बरळत आहोत ते छत्रपती शिवाजी महाराज यांचे वंशज आहेत ज्यांना प्रत्येक हिंदू देवाचा दर्जा देतो. प्रधान साहेब इतर लेखात बरळत असता पण आज मात्र हद्द झाली. माझे बरेच मित्र जे सातारा या भागातील आहेत ते सांगतात कि उदयन राजे हे गरजूंना मदत करतात. ते त्या माणसाची जात किंवा धर्म पाहत नाहीत. ज्या माणसाकडे ३४००० एकर जमीन आहे तो २ लाखाची खंडणी साठी छोट्या उद्योजकाला त्रास देईल असा विचार केवळ दारू पिऊन लेख लिहिणाराच करू शकतो. लोकसत्ता असा वाह्यात आणि टुकार लेख वापस घ्यावा. अ ी तुम्हाला अनुभव आहेच लेख वापस घेण्याचा.
    Reply
  5. S
    SACHIN DAHIFALE
    Jul 25, 2017 at 2:18 pm
    बहुजन समाजाविषयी असणारा आकस नवीन नाहीच..!! आज उदयनराजे विरोधात लिहीले आहे, मागे मुंडे विषयी लिहीत होते. लोकसत्ता म्हणजे दिलेल्या दानावर चालणार दैनिक... रोखठोक म्हणावे असं बातमीत काहीच नाही, फक्त प्रतिमा िन करण्यासाठी लिहलेली ही बातमी..!!
    Reply
  6. अर्जुन
    Jul 25, 2017 at 12:36 pm
    त्या बलत्कारी टिळकावर पण लिहा ना जाणव्यांनो...
    Reply
  7. महेष
    Jul 25, 2017 at 11:58 am
    संतोष प्रधान तोंडाला आणि तुझ्या लेखणीला अवर घाल आम्ही हिंदू साठी शिवाजी राजें देव आहेत त्यांचे वंशज हे सुद्धा त्यात आले. त्यांचे बद्दल आचरट असे शब्द वापरायला लाज वाटली पाहिजे होती. अरे तुझी लायकी आहे का ? अरे तुला कोणते शब्द आणि कुणासाठी हे आधी शिकून ये. आणि या लोकसत्ता वल्यानं पण तुझा लेख छापला हा त्यांचा मोठा मूर्खपणा आहे.
    Reply
  8. V
    varad
    Jul 25, 2017 at 11:50 am
    एखाद्याच्या विरोधात मोर्चा काढायचा आणि त्यानेच मोर्चात भागी व्हायचे, असा प्रकार दुर्मीळ. उदयनराजे यांच्याबाबत तेही घडले.-----------------------हेच तर आहे राजे पानाचे लक्षण , एखादा फडतूस लोकप्रतिनिधी त्याच्या विरुद्ध ब्र जरी काढला तरी अस्वस्थ होतो...! मोर्च्यातील लोकांना माथी फिरवून सामील करून घेण्यात आले होते...! उदयनराजेंनी प्रेमाने समजूत काढली . " किती दिवस अशी बुद्धिभेद करणारी पत्रकारिता करणार आहेत लोकसत्ता ? , महाराष्ट्रातील एक जातीयवादी वृत्तपत्र..!! गडकरींचा पुतळा हटवलं तेव्हा त्यांची " जात" सांगून लिहिणारे हे वृत्तपत्र नेहमीच आपल्या डोक्यातील घाण बाहेर काढत असते." #निषेध ..!!
    Reply
  9. R
    rajesh
    Jul 25, 2017 at 11:46 am
    लोकसत्ता ने हे छापले याबद्दल अभिनंदन. आणि तसेही आपण मोदींनाही कारण नसतांना दूषणे लावता. पण आता तर खरी गुंडागर्दी करणाऱ्या लोकांबद्दल सत्य सांगितले आहे. अभिनंदन.
    Reply
  10. V
    varad
    Jul 25, 2017 at 11:43 am
    उद्यनराजेंवरील गुन्हे खोटे आहेत ....!!! लोकसत्ता चा निषेध ...!! इथे जातीयवादी चश्यम्तून कंमेंट दुर्लक्ष्य करा..!! " सध्या पोलिसांच्या नोंदीनुसार ते ‘बेपत्ता’ आहेत. " -----असे म्हणारा हा पत्रकार खरे तर नावाचाच "पत्रकार " आहे ....! यांना ग्राउंड रिऍलिटी कधी कळणारच नाही , कळली तरी हे जातीयवादी मानिसिकतेतून च लिहणार ..!! एक मात्र आहे " कावळ्याच्या शापाने गायी कधी मारत नसतात"
    Reply
  11. V
    varad
    Jul 25, 2017 at 11:37 am
    लोकसत्ता सारखे जातीयवादी वृत्तपत्र आज शोधून सापडणार नाही...!! आता कसे आहे ना एख्याद्याला मराठ्याला जर तुम्ही " या मराठ्या " असे बोललात ना तो एक्दम खुश होऊन जातो ...हीच तर आहे जातीची थोरवी बाकी बद्दल ना बोललेच बरे ...खुद्द मुख्यामंत्रीच त्याबद्दल उठ सुठ रडत असतात ..!
    Reply
  12. V
    varad
    Jul 25, 2017 at 11:31 am
    साताऱ्यातील ३६ हजार एकर जमिनीचे मालक आहेत ते ...आणि हा अधिकार त्यांना राज्य-घटनेने दिलाय ...आता कायदा -कायदा म्हंणून ओरडणारे कायदा पाळणार कि नाही? आणि लेख हा केवळ हवेतील गप्पा आहेत ....!! निषेध अश्या फालतू पत्रकारितेचं...!!
    Reply
  13. V
    varad
    Jul 25, 2017 at 11:28 am
    उगाच हवेत गप्पा मारू नका...!! काय तर म्हणे लोकांना धमकावले जाते...? संपूर्ण देशांत मोदी लाट चालू असतांना साताऱ्यातून ५ लाख च्या लीड ने निवडून आलेत ते किंग by birth अँड work आहेत उगाच लोकांचे प्रेम नाही भेटत असे.
    Reply
  14. S
    Subhash
    Jul 25, 2017 at 11:26 am
    नालायक लेख, बलात्कारी टिळक, गणेश पांडे विषयावर शेपटा ित गाजर घालून घेणारे या विषयावर मात्र चव घेऊन विकृत लिखाण करतात.... तुमच्या सारख्या राजकारन्याच्या तळवे चाटणाऱ्यामुळेचं पत्रकारिता आता कॉमेडी शो झालाय.... पत्रकारितेच्या नावाखाली आपली बौद्धिक विकृति पसरवायची एवढंच काय तो तुमचा धंधा.... तुमच्या पेक्षा ती बरी जी ग्रहकाशी ईमान राखते.... तुमच्या डोक्यातील कीड़े कमी होवो ही ईच्छा....
    Reply
  15. S
    Shirish deshmukh
    Jul 25, 2017 at 11:18 am
    लेखकाची बुद्धीची कीव करावयास पाहिजे.अत्यंत पक्षपाती व द्वेष भावनेने लिहीलेला लेख..लेवे खून खटल्यात न्यायालयाने त्यांची निर्दोष मुक्तता केली. आणि लेखक स्वतः स्वयंभु न्यायाधीशच आहेत तो त्यांना खुशाल खुनी लिहीतो.. उदयन राजे नेते आहेत बरेच लोक शत्रु असु शकतात ..खंडणी मागण्याची त्यांना काय गरज आणि मागतील तर छोट्या कारखानदारास? हे कुणालाच पटेल का ? आणि हा गुन्हा सिद्ध झाला काय? लेखक महाशय खूशाल खंडणीखोर लिहीतात.. लेखकाचे अचाट विचार बघा..तो लिहीतो की "गुन्हेगारी प्रवृत्तीचे नेते स्थानिक रहिवाशांच्या किंवा गोरगरिबांच्या मदतीला नेहमीच धावून जातात". म्हणजे जे महापुरुष आगदी मुख्यमंत्री सुद्धा स्थानिक लोकांच्या व गरीबांची मदत करतात..ते सुद्धा गुन्हेगार आहेत ? आली लेखणी की लीही ..लेखक press ute आहेत असे दिसते..विरोधकांकडुन शेण खाणारे पत्रकार हे कलंकच..लोकसत्ता सुद्धा या लोकांच्या लेखाची किमान बुद्धीने सत्य न तपासता छापते म्हणजे कोणत्या बुद्धीचे लोक लोकसत्तेत आहेत हे ते कळत आहे..दुदैव दुसरे काय?
    Reply
  16. V
    vilas ghatol
    Jul 25, 2017 at 10:40 am
    खंडणी अन् खुनाचा प्रयत्न या दोन गंभीर गुन्ह्यात आरोपी असलेले राष्ट्रवादीचे खासदार उदयनराजे भोसले यांना अटक कराल तर महाराष्ट्रभर त्यांना मानणारा तरुण वर्ग रस्त्यावर उतरेल, अशा शब्दात ‘शिवप्रतिष्ठान’चे संभाजीराव भिडे गुरुजी यांनी इशारा दिला आहे. उदयनराजेंच्या अटकेबाबतचा प्रश्न संपूर्ण महाराष्ट्रभर चर्चिला जात असतानाच या प्रकरणी राजेंना पाठींबा देणाऱ्यांची संख्या वाढतच चालली आहे. राष्ट्रवादीचे प्रदेशाध्यक्ष सुनील तटकरे, आमदार जितेंद्र आव्हाड, कॉँग्रेसचे खासदार राजीव सातव, खासदार संभाजीराजे छत्रपती यांनी उघडपणे उदयनराजेंना पाठिंबा दिला. ‘छत्रपती घराण्याचे वंशज खंडणीसारखा गुन्हा करू शकतीलच कसे? मु्ख्यमंत्र्यांनी यात स्वत: लक्ष घालून हा गुन्हा मागे घेण्यासाठी संबंधितांना आदेश दिला पाहिजे,’ असे संभाजीराव भिडे गुरुजी यांनी म्हटले आहे.
    Reply
  17. B
    Bsharad85@yahoo.in
    Jul 25, 2017 at 10:40 am
    जानवी तिढे न समजण्याचा काळ गेला, हे 3.5 टक्के वाले पहिल्या पासून गद्दार देश द्रोही आहेत
    Reply
  18. V
    vilas ghatol
    Jul 25, 2017 at 10:39 am
    हे साफच खोटे आहे.काल तर भिडे गुरुजी यांनी देखील मुख्यमंत्र्यांना दखल देऊन लवकर हा खोटा गुन्हा मागे घ्यावा असे सांगितले आहे.भिडे गुरुजी कोण (ज्यांना या देशाचे पंतप्रधान मोदी साहेब स्वतः भेटण्यासाठी जातात त्यांचा सल्ला घेतात असे)छत्रपती संभाजी महाराज हे स्वतः खूप श्रीमंत आहे.त्यांचे ३४००० एकर शेत जमीन स्वतःची आहे.त्यांच्याकडे ५० लाख पेक्षा महाग सोन्याची बुलेट व इतर मोढ्या ्या आहेत.ते स्वतः अन्नदान,मोफत गरीब इतर जातीमधील लोकांना शिक्षण देतात,तेथिल शाळा,हॉस्पिटल,शासकीय कामे हे सर्व जनतेला रास्त व लवकर उपलब्द करून देतात. एकदा जाऊन यावे त्यांच्या तालुक्यात मग असा लेख लिहावा. येत्या काही दिवसात हे चित्र दिसेल चकि ते निर्दोष आहेत म्हणून लेख लिहिणाऱ्यांनी निदान या सर्व बाबी पडताळून बघायला हव्या कि महाराज हे खानदानी व वडिलोपार्जित श्रीमंत योगी आहेत.आपण स्वतःची जागा गरीब शेतकऱ्यांना तरी फुकट देऊ का? त्यांनी रयतेला जागा दिली(विचारून या)तेथील प्रत्येक सातबारा बघावा. ते छत्रपती आहेत म्हणून ते निर्भीड बोलतात,वागतात पण याचा अर्थ असा होत नाही के ते गुंड प्रवृत्तीचे आहेत.ते एक छत्रपती आहेत चोर नाही.
    Reply
  19. V
    vilas ghatol
    Jul 25, 2017 at 10:12 am
    हे साफच खोटे आहे.काल तर भिडे गुरुजी यांनी देखील मुख्यमंत्र्यांना दखल देऊन लवकर हा खोटा गुन्हा मागे घ्यावा असे सांगितले आहे.भिडे गुरुजी कोण (ज्यांना या देशाचे पंतप्रधान मोदी साहेब स्वतः भेटण्यासाठी जातात त्यांचा सल्ला घेतात असे)छत्रपती संभाजी महाराज हे स्वतः खूप श्रीमंत आहे.त्यांचे ३४००० एकर शेत जमीन स्वतःची आहे.त्यांच्याकडे ५० लाख पेक्षा महाग सोन्याची बुलेट व इतर मोढ्या ्या आहेत.ते स्वतः अन्नदान,मोफत गरीब इतर जातीमधील लोकांना शिक्षण देतात,तेथिल शाळा,हॉस्पिटल,शासकीय कामे हे सर्व जनतेला रास्त व लवकर उपलब्द करून देतात. एकदा जाऊन यावे त्यांच्या तालुक्यात मग असा लेख लिहावा. येत्या काही दिवसात हे चित्र दिसेल चकि ते निर्दोष आहेत म्हणून लेख लिहिणाऱ्यांनी निदान या सर्व बाबी पडताळून बघायला हव्या कि महाराज हे खानदानी व वडिलोपार्जित श्रीमंत योगी आहेत.आपण स्वतःची जागा गरीब शेतकऱ्यांना तरी फुकट देऊ का? त्यांनी रयतेला जागा दिली(विचारून या)तेथील प्रत्येक सातबारा बघावा. ते छत्रपती आहेत म्हणून ते निर्भीड बोलतात,वागतात पण याचा अर्थ असा होत नाही के ते गुंड प्रवृत्तीचे आहेत.ते एक छत्रपती आहेत चोर नाही.
    Reply
  20. D
    dhananjay harishchandra
    Jul 25, 2017 at 10:04 am
    तशी मवाल च भाषा वापरली आहे. थोडी कडक पाहिजे होती असल्य 'चक्रम' बद्दल. कोठून अभालातून पडाल्या सारखे वागतात.पुरुषप्रधानता ठासुन भरलेले, गुंड-खुनी, यच्य गावी तर माहित आहे का कस वागाव?? डोक्यावर पडालेले. अनी निर्लज्ज राजकारण करनारे असल्यला पाठीशी घलतात. आनी हे म्ह्ने ''मुरम्बी राजकारनी'..! किलस येतोय या न्यायाचि चाड नसलेल्या लोकांचा.
    Reply
  21. A
    ambhaikar
    Jul 25, 2017 at 9:10 am
    ३४ हजार एकर जमीन कायद्यानं ठेवायला अधिकार आहेका ?
    Reply
  22. Load More Comments