यंदाचे अखिल भारतीय मराठी नाटय़ संमेलन ठाण्यात आयोजित करण्याची घोषणा खासदार राजन विचारे यांनी शनिवारी केली. पं. राम मराठे स्मृती संगीत महोत्सवाच्या उद्घाटन सोहळ्यात त्यांनी ही माहिती दिली. मात्र याबाबतचा तपशील येत्या काही दिवसांत जाहीर केला जाईल, असेही ते म्हणाले. राजन विचारे अखिल भारतीय नाटय़ परिषदेच्या ठाणे शाखेचे अध्यक्ष आहेत. दुष्काळाच्या पाश्र्वभूमीवर निधी संकलन अवघड असल्याची सबब पुढे करीत सातारकरांनी अखिल भारतीय मराठी नाटय़ संमेलनाच्या आयोजनातून माघार घेतली. यानंतर परिषदेच्या ठाणे शाखेने शहरात आयोजनाचा निर्णय घेतला.
