मालमत्ता कर आणि पाणीपट्टी वसुलीला प्रोत्साहन देण्यासाठी महापालिकेने जाहीर केलेल्या अभय योजनेस २१ मार्चपर्यंत मुदतवाढ देण्यात आली आहे. महापालिका क्षेत्रातील मालमत्ताधारकांना थकीत मालमत्ता करावरील तसेच थकीत पाणीपट्टी बिलामधील विलंब व प्रशासकीय आकारामध्ये ५० टक्के सूट देण्याबाबतचा निर्णय घेण्यात आला होता. या योजनेस २१ मार्चपर्यत मुदतवाढ देण्यात आल्याची माहिती महापौर संजय मोरे यांनी दिली. काही मालमत्ताधारकांची वार्षिक कर आकारणी थकीत राहिल्यामुळे प्रशासकीय आकारासह कर बजावण्यात आला होता. मात्र ही रक्कम भरणे शक्य होत नसल्याने प्रशासकीय आकार काही प्रमाणात माफ केल्यास नागरिकांकडून भरणा केला जाईल.
