पाऊस सुरू झाला, की सृष्टीतल्या सगळय़ाच जीवांमध्ये चैतन्य संचारते. पक्ष्यांची दुनिया यामध्ये मागे नसते. एकदा अशीच शिंजीर पक्ष्याची (पर्पल रम्प्ड सनबर्ड) गंमत पाहायला मिळाली. पावसात भिजलेली ही शिंजीरची जोडी त्यांचे पंख फडफडवून सुकवत होते. पण हे झाल्यावर या जोडीने शेजारच्या कांचन वृक्षावर झेप घेतली. या वृक्षाच्या प्रत्येक पानावर साठलेल्या पावसाच्या थेंबावरून घसरत जाण्याचा त्यांचा खेळ सुरू झाला. एक पान झाले, की दुसरे मग तिसरे असा त्यांचा हा घसरगुंडीचा खेळ बराच वेळ लक्ष वेधून घेत होता. पक्षी निरीक्षणाच्या जगात या अशा गोष्टी रंजनाबरोबर ज्ञानातही भर घालतात. मिलिंद हळबे - mrhalbe@yahoo.com