वसंत ऋतूच्या आगमनाची पहिली चाहूल आपल्याला कोकीळच्या गायनाने होते. यातील नराला कोकीळ तर मादीला कोकिळा असे म्हणतात. हा पक्षी जवळजवळ संपूर्ण भारतात आढळतो. यातील नर आणि मादीमध्ये दिसण्यात खूपच तफावत आहे. नर हा चमकदार निळसर काळा असतो तर मादीचा रंग मात्र करडा असतो. मादीच्या पोटावर असंख्य आडव्या पांढऱ्या रेषा आणि पाठीवर पांढरे ठिपके दिसतात. सध्या या पक्ष्याचा विणीचा हंगाम आहे. ही कोकिळा स्वत:चे घरटे बांधत नाही. विविध फळे, अळय़ा, कीटक हे या पक्ष्याचे प्रमुख खाद्य. यातीलच वडाच्या फळांवर ताव मारताना ही कोकिळा. तिचा हा नखरा टिपलाय सातारा जिल्ह्य़ातील अजिंक्यताऱ्याच्या भटकंतीत.