धनेशचा नखरा आपल्याकडे आढळणाऱ्या अनेक पक्ष्यांमधील हा एक देखणा पक्षी. मलबार पाईड हॉर्नबिल किंवा कवडय़ा धनेश असे याचे नाव. याला राज धनेश या नावानेही ओळखले जाते. घारीपेक्षा जरा मोठय़ा आकाराचा हा पक्षी काळय़ा-पांढऱ्या रंगाचा असतो. या पक्ष्याला शिंगासारखी एक भलीमोठी काळय़ा-पिवळय़ा रंगाची चोच असते. धनेश जंगलात विशेषत: वड-पिंपळासारख्या झाडांवर आढळतो. या अशा झाडांची फळे त्याला विशेष आवडतात. आपल्याकडे कोकणात हा पक्षी आढळतो