साल्हेर, महाराष्ट्रातील गडकोटांमधील सर्वात उंच दुर्गशिखर. उंची ५१४० फूट. छत्रपती शिवरायांनी बागलाण मोहिमेंतर्गत ५ जानेवारी १६७१ रोजी हा किल्लाजिंकून घेतला. या दिवसाचे महत्त्व जाणून दुर्गवीर प्रतिष्ठानच्या वतीने साल्हेर किल्ल्यावर नुकताच विजयदिन साजरा करण्यात आला. यानिमित्ताने संस्थेच्या वतीने गडावर साफसफाई करण्यात आली. मंदिरे, स्मृतिस्थळांची सफाई करण्यात आली. अवशेषांभोवती वाढलेली झुडपे काढण्यात आली. तट-बुरुज-दरवाजांना फुलांची तोरणे बांधण्यात आली. भगव्या पताका लावण्यात आल्या. या उपक्रमात अनेक दुर्गप्रेमी सहभागी झाले.