तुम्ही आतापर्यंत सचिन तेंडुलकर, विराट कोहली, युवराज सिंग, वीरेंद्र सेहवाग यांच्यासारख्या सेम टु सेम दिसणाऱ्या व्यक्ती पाहिल्या असतील. आता आणखी एका भारतीय क्रिकेटरशी मिळत्याजुळत्या व्यक्तीचा फोटो व्हायरल झाला आहे. पाकिस्तानमधल्या स्टेडिअममध्ये सामना पाहायला आलेल्या चाहत्याचा चेहरा हा जसप्रीत बुमराहच्या चेहऱ्याशी अगदी मिळता जुळता असल्याचे काहींच्या लक्षात आले. वाचा : उत्तर कोरियातील नागरिकांची हेअरस्टाईल कशी असावी हे हुकूमशहाच ठरवतो मग काय त्याच्या नकळत त्याचा फोटो दोन्ही देशात तुफान व्हायरल झाला. 'ग्रीन टीम पाकिस्तान' या फेसबुक पेजवर त्याचा फोटो शेअर करण्यात आला आहे. हा तरूण हुबेहूब जसप्रीतसारखा दिसत असल्याने काहीजण पुरते गोंधळले होते. 'जसप्रीत बुमराह तू पाकिस्तानमध्ये XI सिरिज पाहण्यासाठी आला याबद्दल धन्यवाद. तू नेहमीच पाकिस्तानमधल्या चांगल्या कामाला पाठिंबा देत आला आहेस' अशी ओळ त्यावर लिहिण्यात आली होती. त्यामुळे अनेकांचा गोंधळ उडाला तर नवल वाटायला नको. तब्बल ८ वर्षांच्या दीर्घ प्रतिक्षेनंतर पाकिस्तानात आंतरराष्ट्रीय सामने खेळवले गेले. तेव्हा हे सामने पाहण्यासाठी क्रिकेटप्रेमींची मोठी गर्दी स्टेडियमध्ये जमली होती. वाचा : यंत्रमानवामुळे माणसं बेरोजगार होतील?; पाहा आनंद महिंद्रांनी काय उत्तर दिलं
