सोशल मीडियावर दररोज नवनवीन व्हिडिओ व्हायरल होत असतात. यापैकी अनेक व्हिडिओ एवढे भन्नाट असतात की, विचारायची सोय नाही. आता हाच व्हिडिओ पाहा ना! तो पाहिला तर तुम्हाला दक्षिणेकडेच्या एखाद्या सिनेमातलं दृश्य सुरु आहे की काय असंच वाटेल. हा व्हिडिओ २०१६ मधला असून साधारण वर्षभरानंतर तो पुन्हा एकदा चर्चेत आलाय. वाचा : फेकून देऊ नका, कारण खूप उपयोगी आहे ‘ही’ छोटीशी पुडी शर्ट आणि लुंगी परिधान केलेल्या एका सर्पमित्राने काठीच्या साह्याने सापाला पकडले. त्याला पाहण्यासाठी लोकांनी गर्दी केली होती. त्याने अगदी सहजतेने सापाला शेपटीला पकडून हवेत उचलले. आता सापला पकडल्यानंतर सर्पमित्र त्यांना एका पिशवीत ठेवतात आणि मग जंगलात सुरक्षित ठिकाणी सोडून देतात. पण या सर्पमित्राने मात्र सापाला पिशवीत न ठेवता चक्क आपल्या लुंगीत ठेवलं. त्याने इतक्या सहजतेने सापाला आपल्या लुंगीत लपवलं की, सगळेच पाहत बसले. हा एकूणच प्रसंग दक्षिणेतील एखाद्या चित्रपटात शोभेल असा होता. मात्र, हा व्हिडिओ पाहून पुन्हा एकदा अनेकांचे मनोरंजन झाले.