17 August 2017

News Flash

मायावतींच्या ‘मुस्लिम कार्ड’वर भाजपचा आक्षेप, धर्माच्या आधारावर मते मागितल्याचा आरोप

यूपीत सुमारे २१ टक्के दलित आणि २० टक्के मुस्लिम मतदार आहेत.

नवी दिल्ली | Updated: February 22, 2017 3:24 PM

बसप प्रमुख मायावती. (संग्रहित)

उत्तर प्रदेश विधानसभा निवडणुकीत मायावती यांनी यंदा दलित-मुस्लिम मतांना विजयाचे समीकरण बनवले आहे. त्यामुळेच त्या खुलेआमपणे मुसलमानांना फक्त त्यांच्याच पक्षाला मतदान करण्याचे अपील करत आहेत. परंतु, यावरच आता वाद निर्माण झाला आहे. भाजप नेते व केंद्रीय मंत्री व्यंकय्या नायडू यांनी मायावती यांच्याविरोधात कारवाईची मागणी निवडणूक आयोगाकडे केली आहे. गरज पडल्यास मायावतींविरोधात भाजप तक्रारही करेल असे त्यांनी म्हटले आहे.

निवडणुकीचा निकाल ११ मार्च रोजी लागणार आहे. पहिल्या दोन टप्प्यात मायावतींच्या विरोधकांमध्ये अस्वस्थता वाढली आहे. उत्तर प्रदेशमध्ये सुमारे २१ टक्के दलित मतदार आणि २० टक्के मुस्लिम मतदार आहेत. आणि मायावती यांनी याच व्होट बँकेला आपल्याकडे खेचण्याचे प्रयत्न सुरू केले आहेत. हा फॉर्म्युलाच निवडणुकीत वापरण्याचे मायावतींनी ठरवले आहे. आपल्या प्रचारसभेत त्या थेटपणे याचा उल्लेख करत आहेत. त्यामुळे इतर पक्ष हवालदिल झाले आहेत.
काही दिवसांपूर्वीच सर्वोच्च न्यायालयाने धर्मावर आधारित मत मागणे हे कायद्याचे उल्लंघन असल्याचे म्हटले आहे. धर्मावर मते मागितल्यास संबंधित व्यक्ती किंवा पक्षाविरोधात कारवाई केली जाऊ शकते. या नियमांतर्गतच भाजप मायावतींविरोधात तक्रार दाखल करू शकते. भाजप सत्तेवर आल्यास आरक्षण रद्द करेल असे मायावती सातत्याने आपल्या प्रचारात सांगतात.

First Published on February 16, 2017 1:19 pm

Web Title: up assembly election 2017 bjp election commission bsp mayawati caste vote
  1. R
    Ramdas Bhamare
    Feb 16, 2017 at 7:23 pm
    अहंकार आणि आत्मप्रौढीची पराकाष्ठा : "कृष्ण यू पी में पैदा हुए और कर्म भूमि उन्होंने गुजरात को बनाया ,मेरा जन्म गुजरात में हुआ और में अपनी कर्म भूमि यू पी को बनाऊंगा" --- मोदी.
    Reply
    1. S
      sanjay telang
      Feb 16, 2017 at 8:03 am
      भाजपने नाही केले ना राजकारण धर्माचे, मग काहीही, कोणीही केले तरी चालेल. भाजपने सोवळे नेसून बसावे आणि सगळ्यांनी लोणी खावे. ह्यालाच म्हणतात धर्मनिरपेक्षता.
      Reply