साहित्य : १ वाटी बारीक चिरलेली फरसबी, १ मध्यम आकाराचा बारीक चिरलेला कांदा, अमूल बटर, चीज, टॉमेटो प्यूरी अर्धी वाटी. कृती : प्रथम कढईत अमूल बटर घालावे. त्यात चिरलेला कांदा परतावा, मग त्यात फरसबी घालावी ती परतून घ्यावी . त्यातच मग टोमॅटो प्यूरी घालावी. मग धुतलेले तांदूळ घालावे. हे सर्व परतून घ्यावे व मग त्यामध्ये आधण पाणी घालावे. मीठ व चवीनुसार साखर घालावी व भात शिजला की त्यावर किसलेले चीज घालावे व वर झाकण ठेवून द्यावे. त्या वाफेत चीज छान वितळते व रिसोटो गरम सव्र्ह करावा. गार्लिक ब्रेड साहित्य : ब्रेड, अमूल बटर, २, ३ चीज क्यूब, चिली फ्लॅक्स, बारीक चिरलेली अगर कुटलेली लसूण कृती : एका बाऊलमध्ये अमूल बटर, किसलेले चीज, चिली फ्लॅक्स, बारीक चिरलेली अगर कुटलेली लसूण हे सर्व मिश्रण एकत्र करावे. ब्रेडला बटर लावून ब्रेड लालसर भाजून घ्यावेत व ब्रेडच्या एका बाजूला हे मिश्रण लावावे व ब्रेड गरम करून घ्यावा. गार्लिक ब्रेड तयार. हे गरम गरम खावे. रसलिंबू साहित्य : लिंबाचा रस, साखर, तिखट अगर लोणचे मसाला व मीठ. कृती : एका कढईत लिंबाचा रस, साखर व तिखट अगर लोणचे मसाला घालून हे सर्व मिश्रण उकळत ठेवावे व साखर विरघळली की मीठ टाकून परत एक उकळी काढावी व गॅस बंद करावा. चविष्ट रसलिंबू तयार. प्रियंका जोशी - response.lokprabha@expressindia.com