विधानसभेत आज परिवहनमंत्री दिवाकर रावते आणि भाजप आमदारांमध्ये जोरदार खडाजंगी झाली. भाजप आमदारांनी वेगळ्या विदर्भाच्या घोषणा देण्यास सुरुवात केल्यानंतर दिवाकर रावते आक्रमक झाले. रावते आणि भाजप आमदारांमध्ये बाचाबाची झाली आणि विधानसभेत सत्ताधाऱयांमध्ये जुंपली. यावेळी शिक्षणमंत्री विनोद तावडे, आमदार राम कदम आणि महसूलमंत्री चंद्रकांत पाटील यांनी मध्यस्थी करून प्रकरण शांत केले.