पनवेल महापालिका स्थापनेची अधिसूचना अखेर जारी

पनवेल महापालिका स्थापनेची अधिसूचना राज्य सरकारने जारी केली असून, १ ऑक्टोबरपासून पनवेल महापालिका अस्तित्त्वात येणार आहे. नगरविकास आणि ग्रामविकास विभागांमधील समन्वयाच्या अभावामुळे पनवेल महापालिकेच्या स्थापनेचा खेळखंडोबा गेल्या तीन महिन्यांपासून कायम होता. अखेर अधिसूचना काढत सरकारने या प्रश्नी मार्ग काढला आहे.