मुख्यमंत्रीपदाच्या शपथविधी सोहळ्याचे निमित्त साधून भाजपमधील काही संधीसाधू कार्यकर्त्यांनी नव्या मुख्यमंत्र्यांना शुभेच्छा देणारे बॅनर मरिन ड्राईव्ह आणि आसपास झळकवून परिसर विद्रुप केला. तर काही शुभेच्छुक कार्यकर्त्यांनी भाजप नेत्यांची छोटी, तर आपले मोठे छायाचित्र झळकवून स्वत:ची जाहिरातबाजी करून घेतली. विशेषत: पेडर रोड येथे तर बॅनरवरील फडणीस यांचे छायाचित्र छोटे आणि कार्यकर्त्यांचे मोठे ही विसंगती अगदी नजरेत भरत होती.
