नियंत्रण सुटल्याने मोटारसायकल कालव्यात पडून वाहनधारकाचा मृत्यू झाल्याची घटना आडगावजवळील हिंदुस्ताननगर येथे घडली. या प्रकरणी आडगाव पोलीस ठाण्यात नोंद करण्यात आली आहे.प्रकाश सुदाम करवंदे असे या वाहनधारकाचे नांव आहे. निफाड तालुक्यातील कोठुरे येथे वास्तव्यास असलेले करवंदे हे आपल्या मोटारसायकलवरून निघाले असताना हा अपघात झाला. सय्यद पिंप्री ते ओढा कालवा रस्त्याने भरधाव जात असताना त्यांचे नियंत्रण सुटले आणि मोटारसायकल कालव्यात जाऊन पडली. त्यातच त्यांचा मृत्यू झाला.
