बार्शी तालुक्यातील घाणेगाव येथे एका अल्पवयीन दलित मुलीवर बलात्कार केल्याप्रकरणी ज्योतिराम बाळासाहेब सपकाळ (वय २४, रा. साकत, ता. बार्शी) याच्याविरूध्द वैराग पोलिसांनी बलात्कारासह अॅट्रासिटी अॅक्ट तसेच बाल संरक्षण हक्क कायदा २०१२ खाली गुन्हा दाखल केला आहे.सदर पीडित मुलगी १६ वर्षांची असून ती माध्यमिक शाळेत शिकते. तिच्या घरात ज्योतिराम हा ट्रॅक्टरचे भाडे मागण्याच्या निमित्ताने येत असे. यातूनच त्याने या शालेय मुलीबरोबर सलगी करून तिला आमिष दाखवले. त्याने पीडित मुलीच्या घरात ती एकटी असताना तिच्यावर बलात्कार केला,असे पोलीस फिर्यादीत स्वत: पीडित मुलीने नमूद केले आहे. या गुन्ह्य़ाचा तपास पोलीस उपविभागीय अधिकारी रोहिदास पवार हे करीत आहेत.
