साप्ताहिक राशिभविष्य

वादग्रस्त पर्व संपेल
मेष व्यक्तींना बुध, गुरू, शुक्र यांच्या शुभ परिणामांचे प्रतिसाद उपयुक्त ठरू लागतील. गुरुवारी मंगळाचे राश्यांतर होताच शनी-मंगळातील वादग्रस्त पर्व संपुष्टात येईल. कार्यमार्ग निर्वेध होत राहील. मिळणारे यश व्यापक करता येईल. शुक्रवारच्या बुध, शुक्र युतीच्या आसपास काही घटना दीर्घकाळ स्मरणात राहणारी सफलता देऊ शकतील. व्यापारी सौदे, अर्थप्राप्ती, नवे अधिकार, शिक्षणात मिळणारे यश यांचा समावेश त्यात होऊ शकतो. शनी-राहूची चिंता नको.
दिनांक : २२, २३, २४ शुभकाळ.
महिलांना : नव्या संधी, नवे मार्ग यश निर्दोष करतील. त्यात प्रपंच, सामाजिक कार्ये, अर्थप्राप्ती यांचा समावेश राहील.

योजना वेग घेतील
राशीस्थानी बुध, गुरू, शुक्र यांचा सहयोग सुरू आहे. गुरुवारी त्यात मंगळाचा समावेश होईल आणि कार्यवर्तुळात नवा उत्साह निर्माण होऊ लागेल. अवघड, अशक्य वाटणाऱ्या योजनांनाही आपण गतिमान करू शकाल. शुक्रवारच्या बुध, शुक्र युतीच्या आसपासचा काळ आकर्षक ठरेल. अधिकारी सहकार्य करतील. व्यापारपेठेत प्रभाव वाढेल.  शनी-राहू उपद्रवांमधील शक्ती बरीच कमी झालेली असेल. लक्ष ठेवा आणि पुढे चला.
दिनांक : १९, २०, २१, २५ शुभकाळ.
महिलांना : प्रपंचातील निराशा संपेल, व्यवहारात यश मिळेल, प्रवास कराल.

थांबा, बघा, पुढे चला
व्ययस्थानी सूर्य, बुध, गुरू, शुक्र अशा ग्रहांची बैठक सुरू असल्याने अपेक्षित सफलता सोपी राहात नाही. गुरुवारी त्यात मंगळाचा प्रवेश होत असल्याने नव्या समस्यांचा त्यात समावेश होणे शक्य आहे. व्यवहाराच्या कोणत्याही प्रांतात घाईगर्दीत निर्णय घेऊ नका. हवामानही समाधानाचे ठरणार नसल्याने ‘थांबा, बघा, जमल्यास पुढे चला’ मंत्र परिवार, व्यवहार, सामाजिक, सांस्कृतिक उपक्रमात ठेवावा. परमेश्वरी चिंतनातून आनंद मिळेल. शनी, राहू प्रतिष्ठा सांभाळतील.
दिनांक : २२, २३, २४ शुभकाळ.
महिलांना : प्रपंच शांत ठेवा, पैसा सांभाळा, प्रवास नको.

आगेकूच आकर्षक होईल
लाभात बुध, गुरू, शुक्र, गुरुवारी त्यात मंगळाचा प्रवेश होईल. सप्ताहातील आगेकूच वेगवान होत राहील. शुक्रवारच्या बुध, शुक्र युतीच्या आसपास त्यात आकर्षकता येईल. विशेषत: बडी मंडळी, नवीन योजना, अभिनव उपक्रम यांचा प्रगतीत समावेश राहील. चतुर्थात शनी-राहू असल्याने अवघड वळणावर जपून असावे एवढेच. कृषी उपक्रमात यश, नोकरीत प्रगती व्हावी. अर्थप्राप्ती वाढेल, राजकीय प्रभाव निर्माण करता येईल. भक्तीमार्गातील आनंद विशेष ठरेल.
दिनांक : १९, २०, २१, २५ शुभकाळ.
महिलांना : संसारात संयम ठेवून व्यावहारिक संधीचा लाभ झटपट उठवा. प्रतिष्ठा वाढेल.

निर्दोष भ्रमंती
दशमात बुध, गुरू, शुक्र. गुरुवारी मंगळ-शनीतला वाद संपेल. निर्दोष कार्यपथावरून भ्रमंती सुरू होईल. नवे परिचय, नवीन उपक्रम यामुळे भ्रमंतीचा प्रभाव वाढत राहील. अनपेक्षित मोठे प्रवास ठरतील. भारदस्त प्रस्ताव समोर येतील. त्यामुळे प्रारंभीच्या वेळापत्रकात बदल करावे लागतील. पराक्रमी शनी-राहूमधील काही प्रतिसाद प्रगतीत सहभागी होतील. त्यातून सत्ता आणि प्रतिष्ठा मजबूत होतील. मोठे संकल्प सिद्धीस जातील.
दिनांक : २० ते २४ शुभकाळ.
महिलांना : प्रापंचिक प्रश्न सुटतील, कला, साहित्यात चमकाल.

साडेसाती नरम होईल
भाग्यात बुध, गुरू, शुक्र. गुरुवारी अष्टमातील मंगळाची कारकीर्द संपेल आणि साडेसातीचे परिणाम बरेच नरम होतील. यांचा लाभ झटपट करून घेतला तर ठरवलेल्या योजना ठरवलेल्या वेळेत पूर्ण करून ‘हम भी कुछ कम नही’ याचा प्रत्यय कार्यप्रांतात देता येईल. काही मंडळी त्यामुळे चकित होतील. काही मैत्रीत येतील. शुक्रवारची बुध-शुक्र युती बौद्धिक क्षेत्रात अविस्मरणीय घटनांची ठरू शकते. चंद्रभ्रमणातील सहकार्य प्रगतीचा आलेख उंचावत नेण्यास उपयुक्त ठरेल.
दिनांक : २० ते २४ शुभकाळ.
महिलांना : प्रयत्न, हुशारीने चकित करणारे यश मिळवता येईल.

साहस टाळा
साडेसातीच्या सहयोगातील राहू, अष्टमात बुध, गुरू, शुक्र यांच्यातील प्रखरता कार्यप्रांतात त्रस्त करीत राहणारी आहे. गुरुवारच्या मंगळ राश्यांतरापासून काही काळ त्यांचे परिणाम महत्त्वाच्या कार्यप्रांतावर होऊ शकतील. आश्वासन, आर्थिक देवघेव, शासकीय प्रकरणे, व्यापारी सौदे, व्यासपीठ रंगभूमी यावरील नवीन प्रयोग या संबंधांत कोणतेही साहस कटाक्षाने टाळा. दुसऱ्यांवर विश्वासून निर्णय घेऊ नका. श्री मारुतीची उपासना, आराधना समस्यांशी सामना करणारी शक्ती देऊ शकते.
दिनांक : २२, २३, २४ शुभकाळ.
महिलांना : संयम आणि कल्पकता यांचाच समन्वय प्रगतीसाठी शुभ ठरेल.

अटीतटीचे प्रसंग संपतील
साडेसातीमधील अटीतटीच्या प्रसंगांचा ग्रहकाळ गुरुवारच्या मंगळ राश्यांतरापासून संपुष्टात येणारच आहे. सप्तमातील बुध, गुरू, शुक्र रविवारपासूनच सहकार्य करू शकतील. त्यात शुक्रवारची बुध-शुक्र युती शनिवारचा चंद्र-हर्षल नवपंचम योग योजना मार्गी लावून नवीन उपक्रमांच्या शोधकार्यात यश देतील. त्यामध्ये व्यापार, नोकरी, राजकारण यांचा समावेश राहील. कला साहित्यात चमकाल. श्री मारुतीची उपासना साडेसातीच्या तीव्रतेचा पारा  खाली आणू शकेल.
दिनांक : १९, २०, २१, २५ शुभकाळ.
महिलांना : संसारातील परिवार सहकार्य करील. समाज कार्यक्रमांत प्रतिसाद देतील. अर्थप्राप्ती सुधारेल.

निराश होऊ नका
शनी, राहूचे मिळणारे सहकार्य नियमित उपक्रमांत उपयुक्त ठरणार आहे. षष्ठातले बुध, गुरू, शुक्र अपेक्षित यश देत नाही. गुरुवारचे मंगळ राश्यांतर तणाव कमी करणार आहे, एवढाच त्याचा फायदा. परंतु नोकरी, व्यापार, राजकारण यातील समस्या सुटण्यासाठी प्रतीक्षा करावी लागेल. आरोग्य आणि शत्रू यांच्यावर लक्ष ठेवा. चंद्राच्या शुभ भ्रमणाचा मोठा काळ आपणास निराश होऊ देणार नाही.
दिनांक : १९ ते २४ हा काळ त्यात आहे.
महिलांना : प्रयत्न सुरू ठेवा, निराश होऊ नका,यश मिळेल.

प्रयत्नरथ पुढे सरकेल
पंचमात बुध, गुरू, शुक्र गुरुवारी चतुर्थातील मंगळाची अनिष्ठता संपेल. शुक्रवारच्या बुध, गुरू, शुक्र युतीपासून निर्णय कृतीत नवा उत्साह प्रकटेल. मकर व्यक्तींचा प्रयत्नरथ अनेक क्षेत्रांतून पुढे सरकत राहील. त्यात कृषी क्षेत्र, बौद्धिक प्रांत, विज्ञान, प्रवास यांचा समावेश राहील. दशमातील शनी-राहूमधील काही परिणाम कार्यप्रांत विस्तारीत करू शकतील. त्यात व्यापाराची घडी बसवता येईल.
दिनांक : २० ते २४ शुभकाळ.
महिलांना : अवघड समस्या सोडवता येतील. त्यातून प्रपंच, अर्थप्राप्ती अधिकार यात यशस्वी ठराल.

महत्त्वाच्या समस्या सुटतील
भाग्यात शनी-राहू, चतुर्थात होत असलेली बुध-शुक्र युती कुंभ व्यक्तींच्या महत्त्वाच्या समस्या या ग्रहांमधून सुटणारच आहेत. शिकस्तीचे प्रयत्न, मिळणाऱ्या संधी यांचा उपयोग केला तर चतुर्थातील रवी-मंगळाचे अशुभ परिणाम टाळता येतील आणि अधिकार, अर्थप्राप्ती, राजकीय संपर्क, महत्त्वाचे करार याच बरेच पुढे सरकता येईल. प्रलोभन आणि विश्वास यातच शत्रू आणि समस्या असतील एवढं लक्षात ठेवा.
दिनांक : २२ ते २५ शुभकाळ.
महिलांना : सामोपचाराने प्रश्न सोडवता येतील, परिवार खूश राहील.